सूर्याचा ‘जय भीम’ थेट ऑस्करच्या शर्यतीत !

संपुर्ण भारतभर चर्चेत आलेल्या टी. जे. ज्ञानवेल दिग्दर्शित ‘जय भीम’ (Jay Bhim) चित्रपटाने विदेशातही आपला डंका वाजवला आहे.
सूर्याचा ‘जय भीम’ थेट ऑस्करच्या शर्यतीत !
Tamil Cinema Jai Bhim Dainik Gomantak

नुकताच प्रदर्शित झालेला साऊथचा सुपरस्टार सुर्याचा 'जय भीम' (Jay Bhim) चित्रपटाला प्रेक्षक आणि समीक्षकांकडून भरभरून दाद मिळाली आहे. चित्रपटाने सर्वांची मने जिंकली. चित्रपटाची दमदार कथा आणि सुर्याच्या जबरदस्त अभिनयाने सर्वांनाच प्रभावित केले आहे. अशा परिस्थितीत आता या चित्रपटाने आपल्या नावावर एक विक्रम नोंदवला आहे, त्यामुळे आता निर्माते आणि सुर्याचे चाहते खूश आहेत.

Tamil Cinema Jai Bhim
अल्लू अर्जुनचा 'अला वैकुंठपुरमलो' आता हिंदीत नाही होणार रिलीज?

सुर्याचा हा (Jai Bhim) चित्रपट ऑस्करच्या अधिकृत यूट्यूब चॅनलवर दाखवण्यात आला आहे. यासह, ऑस्करच्या यूट्यूबवर प्रदर्शित झालेला हा भारतातील पहिलाच चित्रपट ठरला आहे. आता ही बातमी समोर आल्यानंतर चाहत्यांनी 'जय भीम'बाबत सोशल मीडियावर अनेक कमेंट करायला सुरुवात केली आहे. जय भीम चित्रपट ऑस्कर 2022 मध्ये सर्वोत्कृष्ट फीचर फिल्मसाठी शॉर्टलिस्ट करण्यात आला आहे.

याआधीही सुर्याच्या या चित्रपटाने अनेक विक्रम आपल्या नावावर नोंदवले आहेत. याला IMBD वर 9.6 रेटिंग मिळाले, ज्याने बॉलीवूड आणि हॉलीवूडच्या अनेक उच्च रेटिंग चित्रपटांनाही मागे टाकले. याशिवाय, सर्वोत्कृष्ट गैर-इंग्रजी भाषेतील चित्रपटाच्या श्रेणीमध्ये गोल्डन ग्लोब 2022 मध्ये देखील जय भीमला नामांकन मिळाले आहे.

Tamil Cinema Jai Bhim
Good News: प्रियंका चोप्रा बनली आई, सरोगसीद्वारे देणार मुलाला जन्म

टीजे ज्ञानवेल दिग्दर्शित या चित्रपटात सुर्या एका वकिलाच्या भूमिकेत दिसला. याशिवाय राजिषा विजयन आणि प्रकाश राज यांसारखे कलाकारही यात महत्त्वाच्या भूमिकेत दिसले. चित्रपटातील सर्व कलाकारांच्या अभिनयाचे सिनेरसिकांनी खूप कौतुक केले.

मरक्कर चित्रपटही ऑस्करच्या रांगेत

प्रियदर्शन दिग्दर्शित आणि मोहनलाल अभिनित ‘मरक्कर’ या राष्ट्रीय चित्रपट पुरस्कार विजेत्या चित्रपटाचाही ऑस्कर पुरस्काराच्या यादीत समावेश झाला आहे. खुल्या विभागात निवड झालेल्या 276 चित्रपटांची यादी ऑस्करच्या वेबसाइटवर जाहीर करण्यात आली. ज्यात या दोन्ही चित्रपटांच्या नावांचा समावेश आहे. यंदाच्या ऑस्कर पुरस्कार स्पर्धेसाठी नामांकन मिळवणाऱ्या चित्रपटांची संपुर्ण आणि अंतिम यादी 8 फेब्रुवारीला जाहीर करण्यात येणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com