Kangana Ranaut on Khalistani Movement :"पंजाबमधली दहशत पाहुन लाज वाटते ?" कंगना रणौतने कुणाला केला हा सवाल?

Kangana Ranaut on Khalistani Movement : कंगना रणौत हे नाव नेहमीच माध्यमांमध्ये चर्चेत असतं. कुठल्याही गोष्टीवर बिनधास्त मत मांडणारी अभिनेत्री म्हणुन कंगनाचंच नाव समोर येतं. आता कंगनाने पंजाबमधल्या खलिस्तानी चळवळीवर भाष्य केलं आहे.

आठवडाभरापूर्वी अमृतसरमधील अजनाळा पोलिस स्टेशनमध्ये मोठा गोंधळ झाला होता. 'वारीस पंजाब डे' या खलिस्तान समर्थक संघटनेचे प्रमुख अमृतपाल सिंग यांनी गोंधळ घातला. यावर कंगना राणौतने चक्क ट्विट करत आपला राग काढला. यासोबतच अमृतपाल यांच्याशी थेट चर्चा करण्याची अटही घातली होती.

आता कंगनाने पुन्हा एकदा ट्विट करत 'खलिस्तानी'वर घणाघाती फेसबुक पोस्ट टाकली आहे. यामध्ये त्यांनी तीन वर्षे जुनी घटनेची आठवण सांगितली आहे, ज्या काळात तिला त्रास सहन करावा लागला होता.

कंगना रणौतने फेसबुकवर लिहिले- 'जेव्हा मी तीन वर्षांपूर्वी खलिस्तानी लोकांबद्दल बोललो होतो, तेव्हा माझ्या सर्व ब्रँडने मला काढून टाकले, लाखो लोकांनी मला अनफॉलो केले, डिझायनर्सनी माझ्या फोटोंसह त्यांच्या पोस्ट काढून टाकल्या आणि पूर्णपणे बंदी घातली. आज पंजाबची दहशत पाहून त्यांना लाज वाटते का?

कंगना रणौत पुढे म्हणाली, 'मी चूक केली असे त्यांना वाटते का? की रक्त प्यायची तहान होती, कोणी प्यायले, का प्यायले, हे विचारायचं नाही का...? थोडी जरी माणुसकी असेल तर नक्कीच लाज वाटेल पण दानव असतील तर धर्म नष्ट करणे एवढेच त्यांचे काम आहे. आणि अधर्म विजयी आहे, मग कोणतीही लाज वाटणार नाही... विचार करा आणि स्वतःला विचारा.'

कंगना रणौत सोशल मीडियावर सक्रिय असते. मुद्दा कोणताही असो, त्यांची प्रतिक्रिया नक्कीच येते. त्यांनी यापूर्वी केलेल्या ट्विटमध्ये तीन वर्षांपूर्वी घडलेल्या घटनेवर लिहिले होते – 6 समन्स, एक अटक वॉरंट, पंजाबमध्ये माझ्या चित्रपटांवर बंदी, माझ्या कारवर हल्ला. 

देशाची एकता टिकवण्यासाठी राष्ट्रवादी व्यक्तीला ही किंमत मोजावी लागते. भारत सरकारने खलिस्तानींना दहशतवादी घोषित केले आहे. तुमचा राज्यघटनेवर विश्वास असेल तर त्यात शंका नसावी.