Kantara Prequel will release soon : 2022 साल कांतारा या चित्रपटाने गाजवले. भारतासह जगभरात अभिनेता ऋषभ शेट्टीचा ब्लॉकबस्टर चित्रपट 'कांतारा'ला चाहत्यांकडून भरभरून प्रेम मिळाले. आता या चित्रपटाचा प्रीक्वल 'कांतारा 2' लवकरच येणार आहे. 'कंतारा'ची निर्मिती कंपनी होंबळ फिल्म्सने याला दुजोरा दिला आहे.
'कांतारा 2'मध्ये ऋषभ शेट्टी मुख्य भूमिकेत दिसणार असून दिग्दर्शनाची जबाबदारीही तो सांभाळणार आहे. दिग्दर्शक ऋषभ शेट्टी या चित्रपटाचा सिक्वेल नसून प्रीक्वलवर काम करत आहे. म्हणजे चित्रपटाच्या कथेचा पुढचा भाग बघायला मिळणार नाही तर , उलट तिची कथा अधिक विस्ताराने मांडली जाणार आहे.
'कांतारा' प्रोडक्शन कंपनी होंबळ फिल्म्सचे संस्थापक आणि निर्माते विजय किरगंडूर यांनी सांगितले आहे की ऋषभ शेट्टी सध्या 'कांतारा2' च्या स्क्रिप्टवर काम करत आहे. यासोबतच तो या चित्रपटाची तयारीही करत आहे. या चित्रपटाचे शूटिंग काही महिन्यांत सुरू होणार आहे.
विजय किरगंदूर यांनी 'कांतारा 2'च्या बजेटबद्दलही सांगितले. ते म्हणाले की, 'कांतारा'च्या सिक्वलचे बजेट 'कांतारा'पेक्षा जास्त असेल.होंबळ स्टुडिओने नुकतेच पुढील पाच वर्षांत चित्रपट आणि वेब सीरिजवर 30 अब्ज रुपयांची गुंतवणूक करण्याबाबत बोलले होते. अशा परिस्थितीत 'कांतारा 2' देखील चांगलीच बाजी मारणार हे उघड आहे.
संवादादरम्यान विजयने असेही सांगितले की, 'ऋषभ सध्या या विषयावर संशोधन करत आहे. चित्रपट' आणि त्याच्या लेखन साथीदारांसह तो कर्नाटकच्या किनारी जंगलातही गेला. चित्रपटाच्या काही भागाला चित्रीकरणासाठी पावसाळी हवामानाची गरज असल्याने टीम जूनपासून प्रीक्वल शूट करण्यासाठी तयारी करत आहे.
पुढील वर्षी एप्रिल किंवा मे पर्यंत हा चित्रपट प्रदर्शित करू शकतो, असे विजय किरगांडूर यांनी सांगितले. यासोबतच पॅन इंडिया स्तरावरही रिलीज करण्याची तयारी सुरू आहे.
'कंतारा 2'च्या कलाकारांबद्दल बोलताना विजय किरगांडूर म्हणाले की, काही नवीन स्टार्सचाही या चित्रपटात समावेश करण्यात येणार आहे पण, सध्यातरी आमचा प्रयत्न तो 'कंतारा'च्या शैलीत करण्याचा आहे.
तुम्हाला सांगतो की, 'कांतारा' गेल्या वर्षी सप्टेंबरमध्ये रिलीज झाला होता. बॉक्स ऑफिसवर या चित्रपटाने यशाचा झेंडा रोवला. याआधी तो कन्नड भाषेत रिलीज झाला होता, पण प्रेक्षकांमध्ये त्याची क्रेझ पाहून तो हिंदी, तमिळ, तेलगू आणि मल्याळममध्येही रिलीज झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
