Film Releasing in November: जान्हवी, कॅटरिना, हुमा, सोनाक्षी यांचे चित्रपट एकाच दिवशी प्रदर्शित होणार

Film Releasing in November: नोव्हेंबर महिना चित्रपट रसिकांसाठी महत्वाचा ठरणार आहे. कारण या महिन्यात 8 महत्वाचे चित्रपट रीलीज होत आहेत. विशेष म्हणजे, कॅटरिना कैफ, जान्हवी कपूर, सोनाक्षी सिन्हा आणि हुमा कुरेशी यांचे चित्रपट एकाच दिवशी रीलीज होणार असल्याने बॉक्स ऑफिसवर या अभिनेत्रींमधील फाईट रंगणार आहे.

(Katrina Kaif Janhvi Kapoor Sonakshi Sinha Huma Qureshi)

कॅटरिना कैफ, सिद्धांत चतुर्वेदी आणि ईशान खट्टर यांचा 'फोन भूत' 4 नोव्हेंबर रोजी रीलीज होणार आहे. हा हॉरर कॉमेडी चित्रपट आहे. हुमा कुरेशी, सोनाक्षी सिन्हा यांचा सोशल कॉमेडी असलेला चित्रपट 'डबल एक्सएल' 4 नोव्हेंबर रोजीच रीलीज होत आहे. तसेच जान्हवी कपुरचा 'मिली' 4 नोव्हेंबरला कॅटरिना आणि सोनाक्षी-हुमा यांच्या चित्रपटाला टक्कर देण्यासाठी रीलीज होत आहे.

राजकुमार राव, हुमा कुरेशी, राधिका आपटे आणि राधिका मदान यांच्या प्रमुख भूमिका असलेला चित्रपट 'मोनिका ओ माय डार्लिंग' 11 नोव्हेंबर रोजी मोठ्या पडद्यावर पाहायला मिळेल. साऊथ सुपरस्टार समंथा रूथ प्रभू हिचा 'यशोदा' हा चित्रपट हिंदी, कन्नड़ मल्याळम आणि तमिळ भाषेत 11 नोव्हेंबर रोजीच रीलीज होणार आहे. तर अमिताभ बच्चन, अनुपम खेर, बोमन ईराणी यांच्या प्रमुख भूमिका असलेला चित्रपट 'ऊंचाई' 11 नोव्हेंबर रोजी प्रदर्शित होईल.

आणखी एक हॉरर कॉमेडी चित्रपट 25 नोव्हेंबर रोजी रीलीज होणार आहे तो म्हणजे वरूण धवनचा 'भेडिया.' याशिवाय अजय देवगणचा बहुप्रतिक्षीत सस्पेन्स थ्रिलर चित्रपट 'दृष्यम 2' 18 नोव्हेंबर रोजी रीलीज होणार आहे.