लारा दत्ताने 'बेल बॉटम' मध्ये अशी साकारली इंदिरा गांधींची भूमिका

नवी दिल्ली : अक्षय कुमार (Akshay Kumar), वाणी कपूर आणि लारा दत्ता यांचा 'बेल बॉटम' (BellBottom) चित्रपट 19 ऑगस्टला चित्रपटगृहांमध्ये प्रदर्शित होत आहे. कोरोनाच्या वाढत्या रूग्णसंख्येमुळे चित्रपटगृहे बंद होती, पण आता ती सर्वांसाठी खुली करण्यात आली आहे. अशा परिस्थितीत चित्रपटगृहांमध्ये प्रदर्शित होणारा पहिला मोठा चित्रपट म्हणजे 'बेल बॉटम'. (Lara Dutta play role of Indira Gandhi in Bell Bottom)

या चित्रपटात लारा दत्ता भारताच्या माजी पंतप्रधान इंदिरा गांधी यांची भूमिका साकारताना दिसणार आहे. चित्रपटाच्या ट्रेलरमध्ये त्याची झलक दिसली असून तीचा हा लूक सोशल मीडियावरही चांगलाच पसंत केला जात आहे.

अक्षय कुमारने लारा दत्ताचा व्हिडिओ शेअर केला

या व्हिडिओमध्ये लारा दत्ता इंदिरा गांधींच्या भूमिकेसाठी तयार होताना दिसत आहेत, ती लगेचच इंदिराजींच्या पात्रात परफेक्ट उतरलेली दिसते. हा व्हिडिओ शेअर करताना अक्षय या पोस्ट ला कॅप्शनही दिले आहे, 'एखाद पात्र खऱ्या आयुष्यात साकारताना कस दिसते ... लारा दत्ता, तु ते केलय आणि तेही' बेल बॉटम' मध्ये. 19 ऑगस्ट रोजी मोठ्या पडद्यावर 3Dमध्ये पहा बेल बॉटम.'

लारा दत्ताची प्रतिक्रिया

अक्षय कुमारच्या या ट्विटला उत्तर देताना लाराने लिहिले, अक्षय, तो किती मजेदार, रोमांचक आणि आव्हानात्मक शूट होता. हसणं, मिठी मारणं आणि माझ्यावर सतत विश्वास ठेवल्याबद्दल धन्यवाद !' अशाप्रकारे, लारा दत्ता 'बेल बॉटम' मध्ये पूर्णपणे नवीन भुमिकेत दिसणार आहे.