Lata Mangeshkar Award 2023: आशा भोसलेंना लता दीनानाथ मंगेशकर पुरस्कार जाहीर; प्रसाद ओकने लिहली पोस्ट, म्हणाला...

Lata Mangeshkar Award: उषा मंगेशकर यांनी या पुरस्कारांची घोषणा केली आहे.
Asha Bhosle and Lata Mangeshkar
Asha Bhosle and Lata MangeshkarDainik Gomantak

Lata Mangeshkar Award: लता मंगेशकर यांच्या स्मृती प्रित्यर्थ गेल्या वर्षी लता दिनानाथ मंगेशकर पुरस्कार सुरु केला आहे. गेल्या वर्षी हा पुरस्कार पंतप्रधान नरेंद्र मोदींना जाहीर झाला होता. 2023 चा लता दिनानाथ मंगेशकर हा पुरस्कार आशा भोसले यांना देण्यात येणार आहे.

अलिकडेच त्यांना 2021 ला जाहीर झालेला महाराष्ट्र भूषण पुरस्कार मुख्यमंत्र्यांच्या हस्ते प्रदान करण्यात आला होता. याबरोबरच, लता दिनानाथ मंगेशकर विशेष पुरस्कार हा अभिनेता प्रसाद ओकला जाहीर झाला आहे.

उषा मंगेशकर यांनी या पुरस्कारांची घोषणा केली आहे. गेल्या वर्षी 2022 ला पहिला पुरस्कार पंतप्रधान नरेंद्र मोदींना जाहीर झाला होता. पुरस्कार प्रदान सोहळा मास्टर दीनानाथ मंगेशकर यांच्या स्मृतिदिनी सोमवारी 24 एप्रिलला माटुंगा येथील षण्मुखानंद हॉल येथे सायंकाळी 6 वाजता आयोजित करण्यात आला आहे.

पंडित हृदयनाथ मंगेशकर या पुरस्कार समारंभाच्या अध्यक्षस्थानी असतील. यासोबतच मास्टर दीनानाथ मंगेशकर पुरस्कार भारतीय संगीत क्षेत्रासाठी पंकज उधास यांना, वर्षातील सर्वोत्कृष्ट नाटकासाठी प्रशांत दामले फॅन फाऊंडेशनच्या गौरी थिएटर्सला आणि समाजसेवेच्या क्षेत्रात समर्पित सेवेसाठी श्री सद्‍गुरू सेवा संघ ट्रस्ट यांना जाहीर करण्यात आला आहे.

Asha Bhosle and Lata Mangeshkar
Lets Dance Chotu Motu Song Out: सलमानच्या चित्रपटात नर्सरीतील कविता,ऐकून तुम्हीही म्हणाल...

साहित्य क्षेत्रात समर्पित सेवेसाठी ग्रंथाली प्रकाशनला विशेष पुरस्कार प्रदान केला जाणार आहे. चित्रपट आणि नाटक क्षेत्रात समर्पित सेवेसाठी प्रसाद ओक यांना विशेष पुरस्कार आणि चित्रपट क्षेत्रातील सेवेसाठी विद्या बालन यांना मास्टर दीनानाथ मंगेशकर पुरस्कार प्रदान केला जाणार आहे.

दरम्यान, पुरस्कार जाहीर झाल्यानंतर अभिनेता प्रसाद ओकने आभार मानत हा पुरस्कार आपल्या वडीलांना समर्पित केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com