53rd Iffi Goa: मधुर भांडारकर यांच्या 'इंडिया लॉकडाऊन'चा इफ्फीत वर्ल्ड प्रीमियर 

चित्रपट सत्य घटनांवर आधारित असल्याने जगातील प्रत्येक जण या चित्रपटाशी रिलेट करू शकतो.
India Lockdown In IFFI Goa
India Lockdown In IFFI Goa Dainik Gomantak

गोव्यात 20 नोव्हेंबर आंतरराष्ट्रीय चित्रपट महोत्सव (इफ्फी) (IFFI 53rd edition) सुरू होत आहे. इफ्फीत हिंदी चित्रपट दिग्दर्शक मधुर भांडारकर (Madhur Bhandarkar) यांच्या 'इंडिया लॉकडाऊन' (India Lockdown) या चित्रपटाचा वर्ल्ड प्रीमियर होणार आहे. झी फाईव्ह या डिजिटल ओटीटी प्लॅटफॉर्म वरती याबाबत घोषणा करण्यात आली आहे. इंडिया लॉकडाऊन हा चित्रपट कोरोना काळात भारतात घडलेल्या सत्य घटनांवर आधारित आहे. 

India Lockdown In IFFI Goa
Varun Dhawan in IFFI: इफ्फीच्या ग्रँड प्रीमियरमध्ये वरूण धवनचा 'लाईव्ह' परफॉर्मन्स

इंडिया लॉकडाऊन या चित्रपटाची पटकथा दिग्दर्शक मधुर भांडारकर यांच्यासह अमित जोशी आणि आराधना सहा यांनी लिहिली आहे. चित्रपट सत्य घटनांवर आधारित असल्याने जगातील प्रत्येक जण या चित्रपटाशी रिलेट करू शकतो. असे मत भंडारकर यांनी व्यक्त केले आहे. भारतात मार्च 2020 मध्ये कोरोनाचा शिरकाव झाला आणि अवघे चित्र बदलून गेले. अनेक कुटुंबांना कोरोनामुळे आर्थिक, मानसिक त्रास सहन करावा लागला. याशिवाय अनेकांनी आपल्या प्रियजनांना देखील गमावले आहे. हा चित्रपट देखील कोरोना काळातील सत्य घटनांवर आधारित असल्याने प्रत्येकाला जवळचा वाटेल असे भंडारकर म्हणाले. 

मधुर भांडारकर यांची एक संवेदनशील दिग्दर्शक म्हणून ओळख आहे, त्यांनी चांदणी बार, ट्रॅफिक सिग्नल आणि फॅशन यासारखे चित्रपट तयार केले आहेत. हिंदी इंडस्ट्री वेगळी ओळख असलेल्या भंडारकर यांच्या चित्रपटाची उत्सुकता त्यांच्यासह अनेक सिनेरसिकांना लागली आहे. इफ्फीतील वर्ल्ड प्रीमियर झाल्यानंतर हा चित्रपट दोन डिसेंबर पासून झी फाईव्ह या ओटीपी प्लॅटफॉर्म वरती उपलब्ध होणार आहे. 

India Lockdown In IFFI Goa
Horror Films at IFFI 53: इफ्फीत प्रदर्शित होणारे 'हे' हॉरर चित्रपट अजिबात चुकवू नका

इंडिया लॉकडाऊन या चित्रपटात अभिनेता प्रतिक बब्बर, सई ताम्हणकर, श्वेता बसू प्रसाद, प्रकाश बेलवाडी आणि आहाना कुमरा यांच्या प्रमुख भूमिका आहेत. IFFI मधील इंडिया लॉकडाऊनच्या प्रीमियरसाठी सर्वजण उत्साहित आहेत, असे ZEE5 इंडियाचे चीफ बिझनेस ऑफिसर मनीष कालरा म्हणाले. इफ्फीत इंडिया लॉकडाऊनसह एस एस राजामौली यांचा आर आर आर, मराठी चित्रपट धर्मवीर, विवेक अग्निहोत्री यांचा द कश्मीर फाइल्स आणि बंगाली चित्रपट टॉनिक देखील प्रदर्शित होणार आहेत. 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com