Maharashtra Shahir: केदार शिंदे दिग्दर्शित महाराष्ट्र शाहीर चित्रपटाचा टीझर रिलिज झाला आहे. विशेष म्हणजे मनसेचे अध्यक्ष राज ठाकरे यांच्या हस्ते हा टीझर रिलिज करण्यात आला आहे. यावेळी केलेल्या भाषणात स्वातंत्र्यचळवळीत शाहीरांचे मोठे योगदान होते असे राज ठाकरेंनी म्हटले आहे.
या चित्रपटाची चर्चा आणि उत्सुकता गेल्या काही महिन्यांपासून होती. अखेर चित्रपटाचा टीझर रिलिज झाल्यानंतर सगळीकडून यावर कौतुकाचा वर्षाव होताना दिसत आहे. यामध्ये महाराष्ट्राचे पहिले मुख्यमंत्री यशवंतराव चव्हाण यांची व्यक्तीरेखादेखील साकारली गेली आहे.
महाराष्ट्रातील लोकशाहीर आणि लोकनाट्यकार स्वर्गीय कृष्णराव गणपतराव साबळे उर्फ शाहीर साबळे यांच्या आयुष्यावर आधारित हा सिनेमा आहे.
मराठमोळा अभिनेता अंकुश चौधरी शाहीर साबळेंच्या भूमिका साकारताना दिसणार आहे. याबरोबरच केदार शिंदेंची मुलगी सना शिंदे, मृग्मयी देशपांडे आणि अश्विनी महांगडे विविध व्यक्तीरेखेत दिसून येणार आहेत.
महाराष्ट्र( Maharashtra ) शाहीर चित्रपटाच्या निमित्ताने केदार शिंदे आणि अजय-अतुल अनेक वर्षानंतर एकत्र काम करताना दिसून येत आहेत. 28 एप्रिलला हा चित्रपट प्रेक्षकांच्या भेटीला येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
