आर्यन खानचा पासपोर्ट परत करा, मुंबई न्यायालयाचा NCBला आदेश

जामीन अटींचा एक भाग म्हणून आर्यन खानने कोर्टात पासपोर्ट सादर केला होता.
Aryan Khan
Aryan Khan Dainik Gomantak

मुंबई : गेल्या वर्षी शाहरुख खानचा मुलगा आर्यन खान क्रूझ ड्रग्ज प्रकरणात अडकला होता. यामुळे त्याला 2 ऑक्टोबर 2021 रोजी ताब्यात घेण्यात आले आणि 28 दिवस तुरुंगात काढावे लागले होते. आता मुंबईतील विशेष न्यायालयाने बुधवारी बॉलीवूड अभिनेता शाहरुख खानचा मुलगा आर्यन खानला (Aryan Khan) क्लिन चिट दिली आहे. आर्यन खानचा पासपोर्ट परत करण्याच्या याचिकेला मुंबई कोर्टाने परवानगी दिली आहे.

आर्यन खानने जामीन अटींचा भाग म्हणून कोर्टात पासपोर्ट सादर केला होता. आणि तो न्यायालयाने आतापर्यंत जप्त करून ठेवला होता. आर्यनला गेल्या वर्षी ऑक्टोबरमध्ये हाय-प्रोफाइल ड्रग्ज प्रकरणात अटक करण्यात आली होती. दरम्यान आता न्यायालयाने आर्यनला दिलासा दिला आहे.

Aryan Khan
आर्यन खानला ड्रग्ज प्रकरणात मिळाली क्लीन चिट | Aryan khan gets clean chit in drugs | Gomantak Tv

अनेक महिन्यांच्या कायदेशीर लढाईनंतर एनसीबीने गेल्या महिन्यात शाहरुख खानच्या लाडक्या आर्यनला क्लीन चिट दिली. पुराव्याअभावी आर्यनला या प्रकरणात दिलासा मिळाला आहे. यानंतर आर्यनने विशेष न्यायालयाकडे पासपोर्ट परत करण्याची मागणी केली होती आणि बुधवारी न्यायालयात सुनावणी झाली. आता न्यायालयाचा निर्णय आला आहे. यानंतर आर्यन खानला पासपोर्ट मिळणार हे स्पष्ट झाले आहे.

आज आर्यन खानच्या पासपोर्टबाबत सुनावणी झाली. यादरम्यान स्टारकिडच्या बाजूने निर्णय आला. विशेष न्यायालयाने आर्यनचा पासपोर्ट परत करण्याचे निर्देश दिले आहेत. हाय-प्रोफाइल ड्रग्ज प्रकरणात अटक झाल्यावर आर्यन खानने जामीन अटींखाली त्याचा पासपोर्ट कोर्टात जमा केला.

Aryan Khan
आर्यन खानला क्लीन चिट मिळाल्यावर शत्रुघ्न सिन्हांनी व्यक्त केले मत,म्हणाले...

30 जून रोजी आर्यन खानने विशेष न्यायालयात अर्ज दाखल केला होता, ज्यामध्ये त्याने कोर्टाकडे पासपोर्ट परत करण्याची मागणी केली होती. यादरम्यान, एनसीबीने न्यायालयाला सांगितले की, पासपोर्ट परत करण्यास आणि जामीन बॉण्ड रद्द करण्यास त्यांचा कोणताही आक्षेप नाही. या याचिकेवर सुनावणी करताना विशेष न्यायालयाचे न्यायाधीश व्ही.व्ही.पाटील यांनी शाहरुख खानच्या मुलाला पासपोर्ट परत करण्याचे आदेश दिले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com