साऊथ सुपरस्टार महेश बाबूचे भाऊ रमेश बाबू यांचे निधन

महेश बाबूच्या कुटुंबाकडून आणखी एक धक्कादायक आणि दुःखद बातमी समोर येत आहे.
साऊथ सुपरस्टार महेश बाबूचे भाऊ रमेश बाबू यांचे निधन
Ramesh Babu, brother of South films superstar Mahesh Babu passed awayDainik Gomantak

नुकतीच बातमी आली होती की, साऊथ चित्रपटातील प्रसिद्ध स्टार अभिनेता महेश बाबू कोरोनाच्या विळख्यात आला आहे. त्यानंतर त्याने स्वत:ला कुटुंबीयांपासून वेगळे केले. तो होम आयसोलेशनमध्ये राहत होता. पण आता त्याच्या कुटुंबाकडून आणखी एक धक्कादायक आणि दुःखद बातमी समोर येत आहे. महेश बाबू (Mahesh Babu) यांचे भाऊ आणि अभिनेते घटामनेनी रमेश बाबू (Ramesh Babu) यांचे निधन झाले आहे. 8 जानेवारी (शनिवार) रोजी त्यांनी अखेरचा श्वास घेतला. त्यांचे वय अवघे 56 वर्षे होते.

मीडिया रिपोर्ट्सनुसार, ते बऱ्याच काळापासून यकृताशी संबंधित समस्यांनी त्रस्त होते. त्यांच्या आकस्मिक निधनाच्या वृत्ताला दुजोरा देताना, चित्रपट निर्माते बीए राजू यांनी ट्विट केले की, "आमचे स्वतःचे लाडके रमेश बाबू गरू यांचे निधन झाले. तो सदैव आपल्या हृदयात जिवंत राहील. आम्ही आमच्या सर्व हितचिंतकांना विनंती करतो की त्यांनी कोविड मार्गदर्शक तत्त्वांचे पालन करावे आणि स्मशानभूमीत जमणे टाळावे - घट्टामनेनी कुटुंब.”

Ramesh Babu, brother of South films superstar Mahesh Babu passed away
HBD: फरहानला त्याच्या आईने घराबाहेर काढण्याची का दिली होती धमकी?

रमेश बाबू यांच्या आकस्मिक निधनावर अनेक सेलिब्रिटींनी शोक व्यक्त केला आणि कृष्णाचा मोठा मुलगा रमेश बाबू यांना श्रद्धांजली वाहिली. त्यांच्या निधनाबद्दल जाणून घेत दिग्दर्शक रमेश वर्मा यांनी ट्विट केले की, "हे जाणून धक्का बसला, रमेश बाबू गरू आता या जगात नाहीत. कृष्णा गुरू, महेश बाबू गुरू आणि संपूर्ण कुटुंबाला माझ्या संवेदना. ओम शांती." महेश बाबूची अलीकडेच कोरोनाव्हायरसची चाचणी पॉझिटिव्ह आली होती आणि ते आजकाल होम आयसोलेशनमध्ये आहेत हे काही लोकांना माहिती नाही.

1974 मध्ये चित्रपट प्रवास सुरू केला

तुमच्या माहितीसाठी आम्ही तुम्हाला सांगतो की, रमेश बाबू यांनी 1974 मध्ये 'अल्लुरी सीताराम राजू' या चित्रपटाद्वारे ऑन-स्क्रीन फिल्मी करिअरची सुरुवात केली होती. 1997 मध्ये अभिनयातून निवृत्त होण्यापूर्वी त्यांनी 15 हून अधिक चित्रपटांमध्ये काम केले. पुढे ते निर्माता झाले. त्यांनी महेश बाबूची मुख्य भूमिका असलेले "अर्जुन" आणि "अतिथी" या चित्रपटांची निर्मिती केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com