अभिनेता रणबीर कपूर आणि आलिया भट्ट इंडस्ट्रीतले एक क्यूट जोडपे म्हणून ओळखले जाते. आपल्या क्यूट स्माईलने आलिया तिच्या चाहत्यांना सोशल मिडीयावरुन नेहमी भेटत असते तर रणबीरसुद्धा आपल्या लूक्सने फॅन्सना खुश करत असतो.
सध्या हे कपल शेअर केलेल्या फोटोंमुळे चर्चेत आहे. ब्रह्मास्त्र या रणबीर आलियाच्या ब्लॉकबस्टर चित्रपटाला एक वर्ष पूर्ण झाल्याबद्दल आलियाने चित्रपटाच्या सेटवरचे काही रोमँटिक फोटो आणि व्हिडीओ असणारा कोलाज शेअर केला आहे.
ब्रह्मास्त्रने शनिवारी रिलीजला एक वर्ष पूर्ण केले. या प्रसंगी, आलियाने चित्रपटाच्या निर्मितीदरम्यान पडद्यामागील निवडक मनोरंजक आणि सुंदर क्षणांचे काही व्हिडिओ मॉन्टेज शेअर केले आहेत. अयान मुखर्जी दिग्दर्शित या चित्रपटाच्या सिक्वेलवर सध्या काम सुरु आहे
व्हिडिओ शेअर करताना आलिया भट्टने लिहिले की, "आमच्या हृदयाचा एक तुकडा... विश्वास बसत नाही की चित्रपटाला एक वर्ष पूर्ण झालं आहे.
Always Love and Light ." व्हिडिओमध्ये अयान आलियाशी एका सीनवर बोलताना दिसत आहे. या सीनमध्ये आलीया रणबीरला मागून मिठी मारणार आहे, पण हा सीन शूट होण्याआधी ती अयानसोबत सीन करते आणि सगळे हसतात.
आलियाने शेअर केलेल्या या फोटोंमध्ये ब्रह्मास्त्रच्या अनेक आठवणी आहेत. चित्रपटासाठी रणबीर आणि आलियाची फर्स्ट लुक टेस्ट, तेल अवीवची पहिली प्रीप ट्रिप, 2018 मधील पहिले शेड्यूल रॅप आणि अयान आणि टीमसोबतच्या त्यांच्या विविध ट्रिपमधील त्यांचे अनेक फोटोही आलियाने इंन्स्टाग्रामवर शेअर केले आहेत.
आलियाने शेअर केलेल्या या फोटोंमध्ये रणबीर कपूरचे काही मजेदार फोटोही आहेत. अनेक टॉवेलमध्ये गुंडाळलेला रणबीर बसलेला एक खूपच मजेदार दिसतो. या फोटोवर चाहत्यांच्या मजेदार कमेंटही आल्या आहेत.
या फोटाेंमधेय रणबीर आणि आलियाचा एक रोमँटिक फोटोही शेअर करण्यात आला आहे. रणबीरसोबत चालताना तिचा एक फोटो चाहत्यांना खूपच आवडला आहे.
व्हिडिओवर कमेंट करताना एका चाहत्याने लिहिले की, “त्यांची प्रेमकहाणी खूप सोपी आहे, इतर जोडप्यांसारखा PDA नाही आणि म्हणूनच लोकांना वाटते की तो तिच्यावर प्रेम करत नाही
.” दुसर्‍याने लिहिले, "हे सर्व कुठे सुरू झाले." एका चाहत्याने असेही सांगितले की, "रणबीरने कॅमेराची दिशा बदलली तो भाग खूपच गोंडस होता."
एका चाहत्याने आलियाला विचारले की, “तू ब्रह्मास्त्र पार्ट 2 मध्ये काम करतेस का? भाग 2 मध्ये तुमची काही मनोरंजक भूमिका आहे का?"
एका कमेंटमध्ये यूजरने असे लिहिले आहे: “आलिया ज्या प्रकारे अयान म्हणत होती त्याप्रमाणे ती खरंच एक व्यावसायिक अभिनेत्री आहे . अरे देवा माझं तिच्यावर खूप प्रेम आहे.
" एका व्यक्तीने लिहिले, “तुम्ही सर्व खूप गोंडस होता. मी रडत आहे." "मला माहित आहे की 3 जिवलग मित्र जेव्हा मी एक पाहतो तेव्हा त्यांच्यासोबत वेळ घालवतो!".