Bharat Jodo Yatra: भारत जोडो यात्रेला बॉलिवूडचं पाठबळं, रश्मी देसाई यात्रेत झाल्या सहभागी

Bharat Jodo Yatra: काँग्रेसच्या भारत जोडो यात्रेला जवळपास दोन महिने झाले आहेत. या प्रवासात मनोरंजन क्षेत्रातील अनेक कलाकार सहभागी होताना दिसत आहेत. आतापर्यंत पूजा भट्ट, रिया सेन, सुशांत सिंग हे काँग्रेस नेते राहुल गांधी यांच्यासोबत पायी मोर्चात सहभागी झाले आहेत. यातच आता प्रसिद्ध अभिनेत्री रश्मी देसाई आणि आकांक्षा पुरी भारत जोडो यात्रेत सामील झाल्या आहेत. काँग्रेसच्या अधिकृत सोशल मीडिया हँडलवरुन रश्मी देसाई आणि आकांक्षा पुरी यांचा फोटो राहुल गांधींसोबत शेअर करण्यात आला आहे.

राहुल गांधींसोबत पदयात्रा

काँग्रेसने (Congress) कॅप्शनमध्ये लिहिले की- 'प्रसिद्ध टीव्ही अभिनेत्री रश्मी देसाई आणि आकांक्षा पुरी आमच्या सत्याच्या लढ्यात सामील झाल्या आहेत.'

अभिनेत्रींनीही फोटो शेअर केले आहेत

रश्मी देसाईनेही तिच्या ट्विटर हँडलवर एक फोटो शेअर करत लिहिले की, 'काँग्रेस नेते अस्लम शेख आणि सूरज ठाकूर आणि माझी मैत्रीण आकांक्षा पुरीसोबत भारत (India) जोडो यात्रा. एकत्र रहा.' आकांक्षा पुरीने यात्रेदरम्यानचे फोटो देखील शेअर केले आहेत.

या टीव्ही शोमध्ये काम केले

रश्मीने बिग बॉस 13, खतरों के खिलाडी 6, नच बलिए 7, नागिन 4, नागिन 6 आणि झलक दिखला जा 5 मध्ये भाग घेतला होता.

तसेच, मॉडेल आणि अभिनेत्री आकांक्षा पुरी हिने हिंदी टीव्ही शो व्यतिरिक्त दक्षिणेतही बरेच काम केले आहे. मधुर भांडारकरच्या कॅलेंडर गर्ल्स या चित्रपटातून तिने बॉलिवूडमध्ये (Bollywood) पदार्पण केले. आकांक्षा नुकतीच स्वयंवर मिका दी वोटीमध्ये सहभागी झाली होती. ती या शोची विजेती होती.