धारगळ येथे दीपोत्सव निमित्ताने आयोजित केलेल्या अखिल गोवा नृत्य (Dance) स्पर्धेत साची सावंत यांनी प्रथम पुरस्कार प्राप्त केला. साचीसाठी आता पुरस्कार (Award) नवीन नाहीत. तिसरीत असताना भरतनाट्यम प्रियांका डान्सर अकादमीमध्ये तिने लावणी डान्सर म्हणून सुरुवात केली.
साऊथ इंडिया डान्स स्पर्धेत गोल्ड मेडलीस्ट बनून स्पर्धेची चॅम्पियनशिप तिने प्राप्त केली. अखिल भारतीय नृत्य-क्रीडा स्पर्धेत राष्ट्रीय गोल्ड मेडलीस्ट, शिवाय राज्य आणि देश पातळीवरील विविध स्पर्धामध्ये तिने आपला सहभाग दाखवून अनेक पुरस्कार आपल्या कामगिरीने जिंकून आणले आहेत.
13 वर्षाची असताना तिने फॅशन मॉडेल इंडिया स्पर्धेत पहिले उपविजेतेपद पटकावले,2019 मध्ये लिटल मिस इंडिया, मिस दीपावली द्वितीय उपविजेतेपद, मिस प्रतिभावंत, अशा अनेक स्पर्धामधून तिने अनेक पुरस्कार जिंकलेले आहेत.
जेव्हा साची रंगमंचावर उभी राहते तेव्हा ती स्वतःला पूर्णपणे विसरून, आपला नृत्याविष्कार सादर करते. प्रेक्षकही दरवेळी साचीच्या अदाकारीने भारून गेलेले असतात. साची शाळेतही शिक्षणात आपली कर्तबगारी सिद्ध करत असते. कलेच्या क्षेत्रात तिची आई सपना सावंत व वडिलांचे पाठबळ तिला नेहमीच मिळत राहिलेले आहे. राज्य आणि देशपातळीवरच्या प्रत्येक स्पर्धेत पुरस्कार पटकावणाऱ्या साचीला अजूनही पुढचा मार्ग खुणावतो आहे. यशोशिखर गाठण्यासाठी ती ठामपणे आपले पाऊल टाकत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.