अभिनेता सनी देओलच्या दमदार अभिनयाने प्रेक्षकांना खिळवुन ठेवणारा गदरला रिलीज होऊन 22 वर्षे लोटली ;पण आजही त्यातला तारा सिंह प्रेक्षकांच्या लक्षात आहे. सनी देओल आणि अमिशा पटेल यांची प्रमुख भूमीका असलेल्या या चित्रपटाचा सिक्वल आता नव्या वर्षात प्रेक्षकांच्या भेटीला येत आहे. गदर 2 चा फर्स्ट लुक समोर आला आहे.
2001 साली अनिल शर्मा दिग्दर्शित गदरने प्रेक्षकांना वेड केलं होतं. सनी देओलने काढलेला हॅंडपंप आजही प्रेक्षकांना आठवतो. आता नव्या गदरमध्ये काय पाहायला मिळणार याची उत्सुकता समोर आली होती.
झी स्टूडिओ ने इंस्टाग्रामवर एक रील वीडियो शेयर केला आहे. या रिलमध्ये 2023 मध्ये रिलीज होत असलेल्या मोठ्या प्रोजेक्ट्सची झलक दाखवण्यात आली आहे. 50 सेकंदाच्या या व्हिडीओत सनी देओलच्या गदरचीही झलक आपल्याला पाहायला मिळु शकते.
50 सेकंदाच्या या व्हिडीओमध्ये अजय देवगन चा मैदान, सलमान खान चा भाईजान, सोनू सूद चा फतेह, नवाजुद्दीन सिद्दीकीचा हड्डी या सगळ्या आगामी चित्रपटांची झलक बघायला मिळत आहे. त्यात शेवटी गदरचा लुक बघायला मिळतो.
यात सनी देओल बैलगाडीचे चाक उचलुन आपल्या तडफदार लुकमध्ये बघायला मिळत आहे.सनी देओलच्या फॅन्ससाठी त्याचा हा आगामी चित्रपट एक मोठी मेजवानी असणार आहे हे नक्की.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
