ज्येष्ठ अभिनेत्री वत्सला देशमुख यांचे निधन

ज्येष्ठ अभिनेत्री वत्सला देशमुख यांचे निधन झाले आहे.
Vatsala Deshmukh
Vatsala DeshmukhDainik Gomantak

मराठी आणि हिंदी चित्रपटसृष्टीत आपल्या अभिनयाच्या माध्यमातून ठसा उमटवणाऱ्या प्रसिध्द अभिनेत्री वत्सला देशमुख यांच निधन झालं आहे. शनिवारी दुपारी 12 वाजता त्यांनी अखेरचा श्वास घेतला. वत्सला देशमुख या प्रसिध्द अभिनेत्री रंजना देशमुख यांच्या आई होत्या. विशेष म्हणजे वत्सला देशमुख यांनी आपल्या करिअरची सुरुवात ‘तुफान और दिया’ या प्रसिध्द हिंदी चित्रपटातून केली होती. (Veteran actress Vatsala Deshmukh passes away)

दरम्यान, त्यांचे ‘फायर’, ‘नागपंचमी’, ‘जल बिन मछली नृत्य बिन बिजली’ चित्रपट चांगलचे गाजले. परंतु ‘सुहाग’ या चित्रपटाने त्यांना खऱ्या अर्थाने ओळख मिळवून दिली. नवरंगसह पिंजरा चित्रपटामध्ये त्यांची भूमिका चांगलीच गाजली होती. त्यांनी अनेविध चित्रपटांमध्ये काकू, मावशी, आई, आजी अशा विविध भूमिका रंगवल्या. वत्सला देशमुख यांच्या निधनाने संपूर्ण चित्रपटसृष्टीवर शोककळा पसरली आहे. महाराष्ट्र नवनिर्माण सेनेच्या चित्रपट सेनेचे अध्यक्ष अमेय खोपकर यांनी सोशल मिडियावरील ट्वीटरवरुन ट्वीट करत देशमुख यांनी श्रध्दांजली वाहिली.

Vatsala Deshmukh
'द काश्मीर फाइल्स'ची ग्रेट ओपनिंग, पहिल्याच दिवसाचे कलेक्शन 3.55कोटींच्या पार

याशिवाय, अभिनेत्री वत्सला देशमुख यांच्यासारख्या हरहुन्नरी अभिनेत्रींच्या जाण्याने कलाविश्वात एक मोठी पोकळी निर्माण झाली असून मनसे चित्रपट कर्मचारी पक्षाच्या वतीने भावपूर्ण श्रध्दांजली, अशा शब्दांमध्ये अमेय खोपकरांनी श्रध्दांजली वाहीली आहे. ‘पिंजरा’ चित्रपटामध्ये वत्सला देशमुख यांनी खलनायिकेकडे झुकणारी भूमिका रंगवली होती. पिंजरा चित्रपटातील भूमिका सोडली तर त्यांच्या अभिनय प्रवासात त्यांनी सकारात्मक भूमिकाच साकारल्या आहेत. प्रेक्षकांच्या मनावर त्यांच्या अभिनयाने गारुड निर्माण केलं होतं.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com