Vicky Katrina Death Threat: विकी अन् कतरिनाला जिवे मारण्याच्या धमक्या; विकीची पोलिसात धाव

विकी कौशल आणि कतरिना कैफ यांना सोशल मीडियावर जीवे मारण्याच्या धमक्या आल्या आहेत.
Vicky Katrina Death Threat
Vicky Katrina Death ThreatDainik Gomantrak

बॉलिवूड कलाकार विकी कौशल आणि कतरिना कैफ यांना सोशल मीडियावर जीवे मारण्याच्या धमक्या आल्या आहेत. या प्रकरणी विकीने मुंबईतील (Mumbai) सांताक्रूझ पोलिस ठाण्यात तक्रार नोंदवली आहे. त्यानंतर पोलिसांनी अज्ञात व्यक्तीविरोधात गुन्हा दाखल करून तपास सुरू केला. आदित्य राजपूत नावाच्या व्यक्तीवर सोशल मीडियावर धमक्या दिल्याचा आरोप आहे. विकी कौशलच्या तक्रारीवरून पोलीस आदित्यचा तपास करत आहेत. (Vicky Katrina Death Threat news)

विकी कौशलच्या (Vicky kaushal ) तक्रारीवरून पोलिसांनी कलम ५०६(२), ३५४(डी) आयपीसी कलम ६७ आयटी कायद्यानुसार गुन्हा दाखल केला आहे. विक्की कौशलने इंस्टाग्रामवर एका मेसेजद्वारे एक व्यक्ती त्याला धमकावत असल्याचा आरोप केला आहे. तसेच आरोपी कतरिना कैफवर (katrina kaif) नजर ठेवून तिला धमकावत असल्याचा आरोपही त्यांनी केला.

विशेष म्हणजे, विकी कौशल आणि कतरिना कैफचे गेल्या वर्षी 9 डिसेंबरला लग्नबंधनात अडकले. अलीकडेच दोन्ही स्टार्स त्यांच्या जवळच्या मित्रांसोबत कतरिनाचा वाढदिवस साजरा करण्यासाठी मालदीवमध्ये गेले होते. 16 जुलै रोजी कतरिनाने तिचा 39 वा वाढदिवस साजरा केला. याचे अनेक खास फोटो सोशल मिडीयावर शेअर केले आहे.

एखाद्या स्टारला जीवे मारण्याची धमकी मिळण्याची ही पहिलीच वेळ नाही. अलीकडेच अभिनेता सलमान खानला एका पत्राद्वारे जीवे मारण्याच्या धमक्या आल्या होत्या. याप्रकरणी सलमान खानच्या (Salman Khan) वतीने पोलिसांत तक्रार देण्यात आली होती. काही दिवसांपूर्वी सलमानने स्वतः मुंबईच्या पोलीस आयुक्तांची भेट घेतली होती. वृत्तानुसार, त्याने बंदूक परवान्यासाठी अर्जही केला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com