Actress Renuka Shahane: रेणुका शहाणेची खंत, या कारणामुळे ऑडिशन्स मध्ये होतेय रिजेक्ट

अभिनेत्री रेणुका शहाणे हिने नेहमीच आपल्या अभिनयाच्या जोरावर चित्रपट आणि मालिकांमध्ये ठसा उमटवला आहे. पण अलिकडच्या काळात रेणुका फारशी दिसली नाही, आणि याचं कारण तिने स्वत: दिले आहे. मी अलिकडे ऑडिशन्स देते पण या कारणामुळे रिजेक्ट होते असं सांगितलं आहे. पुढे रेणुकाने हेही सांगितले कि, मी आता या रिजेक्शनला सिरीयसली घेत नाही.

रेणुका शहाणे आता 'गोविंदा नाम मेरा' या नुकत्याच रिलीज झालेल्या विनोदी चित्रपटात दिसणार आहे. या चित्रपटात विकी कौशल आणि कियारा अडवाणी मुख्य भूमीकेत दिसतील. या चित्रपटात रेणुका शहाणे विकी कौशलच्या आईच्या भूमीकेत आपल्याला बघायला मिळेल. या चित्रपटात रेणुका शहाणे आपल्याला व्हील चेअरवर दिसेल, साहजिकच रेणुका आपल्याला एका वेगळ्या भूमीकेत पहायला मिळणार आहे. शशांक खेतान यांनी या चित्रपटाचे दिग्दर्शन केले आहे.

ऑडिशन्सच्या रिजेक्शनच्या बाबतीत बोलताना रेणुकाने सांगितले कि मला माझ्या कॅरेक्टरविषयी दिग्दर्शकाकडुन समजुन घ्यायचं असतं पण हे काम अलीकडे कास्टिंग डिरेक्टरचा असिस्टंट करतो. त्यामुळे मला ही प्रोसेस समजत नाही आणि हेच माझ्या रिजेक्ट होण्याचं कारण आहे.