Radhe Movie: राधे इफ्केट, झी 5 चा सर्व्हर क्रॅश, प्रेक्षकांनी भाईजानला मारली हाक

Zee5 server crashes as soon as Radhe is released Fans tagged Salman
Zee5 server crashes as soon as Radhe is released Fans tagged Salman

मुंबई: बॉलिवूडचा(Bollywood) भाईजान म्हणजेच सलमान खानचा(Salman Khan)  'राधे योर मोस्ट वॉन्टेड भाई'(radhe most wanted bhai) चित्रपटाची त्याचे चाहते  खूप आतुरतेने वाट पाहत होते. चाहत्यांचा उत्साह बघून निर्मात्यांनी ईदच्या खास निमित्ताने झी प्लेक्सवर(ZEE 5) हा चित्रपट प्रदर्शित केला आहे. 2019 मध्ये रिलीज(Release) झालेल्या दबंग 3 या चित्रपटा नंतर सलमान खान आज आपल्या चाहत्यांसाठी खास मसाला चित्रपट घेऊन आला आहे. मात्र घडलं असं की, राधेच्या रिलीजनंतर सर्व युजर्सनी झी प्लेक्सवर एकाच वेळी हा चित्रपट पाहण्यास सुरवात केली. याचा परिणाम अॅपचा सर्व्हर झाला आणि सर्व्हर क्रॅश झाला. अ‍ॅपवर चित्रपटामध्ये झालेल्या बिघाडामुळे युजर्स अस्वस्थ झाले आणि प्रत्येकाने ट्विटद्वारे याबद्दल तक्रार करण्यास सुरवात केली. अगदी लोकांनी सलमान खानला देखील टॅग केले, हा चित्रपट पाहतांना युजर्सना त्रास झाल्याने त्यांनी सलमान खान कडे तक्रार करायला सुरवात केली आणि ट्विटरवर हे प्रकरण ट्रेंड व्हायला सुरवात झाली. (Zee5 server crashes as soon as Radhe is released Fans tagged Salman)  

इतक्या मोठ्या संख्येने युजर्सनी अ‍ॅपमध्ये लॉग इन केले की सर्व्हर क्रॅश झाला. जी 5 च्या कार्यकारी टिमने त्वरीत ही गंभीर परिस्थिती ताब्यात आणली आणि सुमारे एक तासाच्या आत अॅपचे योग्यरित्या कार्य करणे सुरू झाले. यापूर्वी हॉटस्टारचा सर्व्हर दिवंगत अभिनेता सुशांतसिंग राजपूत यांच्या 'दिल बेचारा' या चित्रपटाच्या प्रदर्शनाच्या वेळी क्रॅश झाला होता. त्यावेळीही बर्‍याच वापरकर्त्यांनी एकाचवेळी अ‍ॅपवर लॉग इन केले होते. आता जी 5 बद्दलही अशीच समस्या उद्भवली आहे.

एकीकडे झी फाइव्हच्या सर्व्हरमध्ये समस्या होती, तर दुसरीकडे काही वापरकर्त्यांनी झी फाइव्ह प्रीमियमवर 'राधे' चित्रपट न दाखवल्याबद्दल तक्रार केली. ज्या लोकांच्या अॅपची सदस्यता आहे त्यांना देखील चित्रपट पाहण्यासाठी स्वतंत्र शुल्क आकारणे आवश्यक आहे. याबद्दल ट्विटरवर प्रेक्षक तक्रारी करत आहेत. मी सांगतो, झी स्टुडिओने या चित्रपटाचे सर्व हक्क विकत घेतले आहेत आणि झी स्टुडिओने चित्रपटासाठी 235 कोटींची रक्कम दिली आहे.

सलमान खान अभिनीत चित्रपट मे 2020 मध्ये प्रदर्शित होणार होता, परंतु कोरोनामुळे ते शक्य झाले नाही. त्यानंतर, जानेवारी 2021 मध्ये ईदच्या निमित्ताने हा चित्रपट प्रदर्शित करण्याचा निर्णय घेण्यात आला. 'राधे: योर मोस्ट वॉन्टेड भाई' हा चित्रपट प्रभु देवाने दिग्दर्शित केला आहे. त्यानेच सलमान खान सोबत 'वांटेड' हा चित्रपट बनविला होता. या चित्रपटात सलमान व्यतिरिक्त दिशा पाटणी, रणदीप हूडा, जॅकी श्रॉफ, गोविंद नामदेव, गौतम गुलाटी या मुख्य भूमिका आहेत. याशिवाय अभिनेत्री जॅकलिन फर्नांडिस चा या चित्रपटामध्ये एक आयटम साँग आहे.


 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com