रिलायन्स इंडस्ट्रीजकडून मिडिया, वितरण व्यवसायाचे नेटवर्क 18 मध्ये एकत्रीकरण 

Reliance Industries integrated Media Network into eighteen
Reliance Industries integrated Media Network into eighteen

नवी दिल्ली : रिलायन्स इंडस्ट्रीजने माध्यम आणि वितरण व्यवसायाचे एकाच कंपनीखाली एकत्रीकरण करण्याची घोषणा केली आहे. आता टीव्ही १८ ब्रॉडकास्ट, हॅथवे केबल अँड डेटाकॉम आणि डेन नेटवर्क्‍स यांचे नेटवर्क १८ मीडिया अँड इन्व्हेस्टमेंट्‌समध्ये विलीनीकरण केले जाणार आहे.

या सर्व कंपन्यांच्या संचालक मंडळांनी एकत्रीकरण आणि पुनर्रचनेच्या प्रस्तावाला परवानगी दिली आहे. या पुनर्रचनेमुळे कंपनीच्या विविध साखळींच्या व्यवसायात सुधारणा होणार असून, त्यांची व्याप्तीही वाढविता येणार आहे. त्याचबरोबर कंपन्यांची संख्या कमी केल्याने समूहातील कॉर्पोरेट रचनेत सुधारणा होऊन ती सोपी होणार आहे.

महसूल ८ हजार कोटींवर
नेटवर्क १८ च्या अंतर्गत या सर्व व्यवसायांचा महसूल जवळपास 8 हजार कोटी रुपये असणार आहे. या एकत्रीकरणानंतर प्रत्येक १०० समभागांसाठी, टीव्ही १८ ब्रॉडकास्टच्या समभागधारकांना नेटवर्क १८ चे ९२ समभाग, तर हॅथवे केबल अँड डेटाकॉमच्या समभागधारकांना नेटवर्क १८ चे ७८ समभाग आणि डेन नेटवर्क्‍सच्या समभागधारकांना नेटवर्क १८ चे १९१ समभाग मिळणार आहेत. सर्व कंपन्यांचे एकत्रीकरण केल्यानंतर कंपनीवर कोणतेही कर्ज असणार नाही. त्यामुळे भविष्यातील व्यवसायवृद्धीसाठी आणि शेअरधारकांना अधिक परतावा मिळण्यासाठी त्याचा लाभ होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com