किमान शिलकीची गरज नाही; स्टेट बॅंक ऑफ इंडियाकडून बचत खातेधारकांना दिलासा

Relief to Savings Account Holders from State Bank of India
Relief to Savings Account Holders from State Bank of India

मुंबई: स्टेट बॅंक ऑफ इंडियाने ग्राहकांसाठी बचत खात्यावर दर महिन्याला किमान शिल्लक रक्कम (मिनिमम बॅलन्स) ठेवण्याची अट शिथिल केली आहे. तसेच, बॅंकेने ग्राहकांसाठी "एसएमएस'चे शुल्कही माफ केले आहे.

देशभरातील बॅंकेच्या सर्व 44.51 कोटी बचत खात्यांसाठी बॅंकेने ही घोषणा केली आहे. बॅंकेच्या बचत खातेधारकांना महानगर, निमशहरी आणि ग्रामीण भागात दर महिन्याला अनुक्रमे तीन हजार रुपये, दोन हजार रुपये आणि एक हजार रुपयांची रक्कम खात्यामध्ये ठेवावी लागते. खातेधारकांनी दर महिन्याला किमान शिल्लक रक्कम बचत खात्यात न ठेवल्यास बॅंकेकडून 5 ते 15 रुपये अधिक कर असा दंड आकारला जातो.

बचत खात्यावरील व्याजदरात कपात
बॅंकेने सर्व बचत खात्यांसाठी वार्षिक 3 टक्के व्याजदर दिला जाणार असल्याचे जाहीर केले आहे. मालमत्ता, ठेवी, शाखा, ग्राहक आणि कर्मचाऱ्यांची संख्या लक्षात घेता स्टेट बॅंक ऑफ इंडिया देशातील सर्वांत मोठी व्यावसायिक बॅंक आहे. बॅंकेत 31 डिसेंबर 2019 अखेर 31 लाख कोटी रुपयांच्या ठेवी असून, बॅंकेच्या देशभरात 21 हजार 959 शाखा आहेत.
 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com