आखाडातील पथदीप दिवसा सुरू, रात्री बंद

Street lamps start at day and close at night
Street lamps start at day and close at night

माशेलः आखाडा येथील पथदीप भर दिवसा सुरू असतात. रात्रीच्या वेळी ते सुरू केले नसल्याने येथील नागरिकांची गैरसोय होते. येथील घरे उंच सखल भागात असल्याने तसेच इथल्या लोकांचा पारंपरिक व्यवसाय मासेमारी असल्याने त्यांना काळोखातूनच ये जा करावी लागत आहे. त्यामुळे या परिसरात तीव्र नाराजी व्यक्त केली जात आहे.

आखाडा हे बेट असून येथील लोकांचा पारंपरिक व्यवसाय मासेमारी आहे. शिवाय येथील घरे उंच सखल भागात वसलेली आहे. इथल्या वीज खांबावर एलईडी पथदीप बसवले आहेत ते टाईमरने पेटतात. परंतु गेल्या काही दिवसांपासून येथील पथदीप दिवसा सुरू व रात्री बंद असतात. त्यामुळे येथील लोकांना काळोखातच ये जा करावी लागते. त्यामुळे लोकांना तसेच मच्छीमारांना काळोखातूनच वाट शोधावी लागत आहे.

यासंबंधी स्थानिक पंचसदस्य सुरेंद्र वळवईकर यांना विचारले असता, या पथदीपांच्या समस्येसंबंधी मी वीज खात्याच्या कनिष्ठ अभियंते व वरिष्ठ अभियंते यांना लेखी पत्रव्यवहार करून यासंबंधी कळविले आहे. तरी कुणीच दखल घेत नाही, त्यामुळे तीव्र नाराजी व्यक्त केली.

याठिकाणी पथदीप दिवसा पेटून नाहक विजेची होणारी नासाडी व रात्री पथदीप बंद राहून लोकांची होणारी गैरसोय दूर होणे गरजेचे आहे.
 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com