नवी दिल्ली : प्राप्तिकर विभाग करदात्यांचे पॅन आणि इतर माहिती "सेबी'ला देणार आहे. "सेबी'ला विविध गैरव्यवहारांवर नियंत्रण ठेवण्यास मदत करण्यासाठी ही माहिती प्राप्तिकर विभागाकडून दिली जाणार आहे.
शेअर बाजारातील गैरव्यवहार आणि इतर बाबींवरील तपासात यामुळे "सेबी'ला मदत होणार आहे. केंद्रीय प्रत्यक्ष कर मंडळाकडून (सीबीडीटी) प्राप्तिकर विभागाच्या धोरणांची आखणी केली जाते. "सीबीडीटी'ने प्राप्तिकर कायद्याच्या कलम १३८ (१) अंतर्गत हा आदेश दिला आहे. या संदर्भात प्राप्तिकर विभाग आणि "सेबी' लवकरच परस्पर सामंजस्य करारावर स्वाक्षरी करण्याची शक्‍यता आहे.
या करारावर माहितीची देवाणघेवाण, गोपनीयतेची खबरदारी, माहितीची सुरक्षितता यासारख्या बाबींचा समावेश असेल. करदात्यांचे पॅन, वडिलांचे किंवा पतीचे नाव, जन्मतारीख, छायाचित्रे, सही, कंपनीच्या भागीदारांची नावे, "केवायसी', ईमेल आयडी, प्राप्तिकर विवरणपत्रे, समभागांच्या व्यवहारातून मिळणारे उत्पन्न, बॅंक खाते आदी बाबींची माहिती प्राप्तिकर विभागाकडून "सेबी'ला गरजेनुसार देण्यात येईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.