कासारपाल भागात वाघाचा संचार?

tiger in kasarpal
tiger in kasarpal

डिचोली: सत्तरीतील व्याघ्र हत्या प्रकरण ताजे असतानाच, डिचोलीतील सोनारभाट-कासारपाल परिसरातील रानात वाघाचा संचार असल्याचा संशय असून, गेल्या काही दिवसांपासून या वाघाने लोकवस्तीत धुमाकूळ घातला आहे. या वाघाला प्रत्यक्ष पाहिल्याची माहिती स्थानिकांकडून देण्यात आली आहे. या वाघाने शेळ्या आणि गुरांना लक्ष्य केले आहे. अशी माहिती नाना वरक या धनगर बांधवाने दिली आहे. वाघाचा लोकवस्तीपर्यंत संचार असल्याने धनगर बांधवांत घबराट पसरली आहे. गेल्या दहा दिवसात या वाघाने आपल्या गोठ्यातील आठ शेळ्या आणि दोन वासरे फस्त केली आहेत. अशी माहिती धनगरवाडा येथील वरक कुटंबियांनी दिली आहे. दरम्यान, याप्रकरणी बाबू नाना वरक यांनी वन खात्याला पत्र दिले असून, मोठा अनर्थ घडण्यापूर्वी या वाघाचा बंदोबस्त करावा. तसेच आपणाला नुकसान भरपाई द्यावी. अशी मागणी त्यांनी केली आहे.

धनगर बांधवांत घबराट
रात्रीच्यावेळी या वाघाचा धनगरवाडीत धुमाकूळ चालला आहे. शेळ्या तसेच गुरांच्या गोठ्यांपर्यंत येऊन शेळ्या आणि वासरांना फस्त करीत असल्यामुळे धनगर बांधवांनी गोठ्यासभोवताली काटेरी अडथळे निर्माण केले आहेत. तरीदेखील वाघाचा धुमाकूळ थांबलेला नाही. अशी माहिती वरक बांधवांनी दिली. शेळ्या आणि वासरांना फस्त करीत असल्यामुळे कुटुंबाच्या चरितार्थाचा प्रश्‍न निर्माण झाला आहे. वाघाच्या संचारामुळे रात्रीच्यावेळी घराबाहेर पडणेही धोक्‍याचे बनले आहे. अशी भीती धनगरवाडीतील धनगर बांधव व्यक्‍त करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com