औषधाचा जादा डोस घेतल्याने युवतीचा मृत्यू

पेडणे: उगवे येथील वैभवी बाबाजी महाले (वय २२) या युवतीने औषधाचा जादा डोस घेतल्याने मृत्यू झाला. मंगळवारी (ता. २८) ही घटना घडली. पोलिस सूत्रांनी दिलेल्‍या माहितीनुसार वैभवी महाले ही युवती एका डॉक्टरच्या दवाखान्यात नर्स म्हणून नोकरीला होती. सकाळी तिने दाढ दुखत असल्याने गोळ्या घेतल्या. त्यानंतर काही वेळाने ती भोवळ येऊन बेशुद्ध पडल्या. उपचारासाठी तिला बांबोळी येथील गोवा वैद्यकीय महाविद्यालयाच्या इस्पितळात दाखल केले असता काल दुपारी तिला मृत्यू आला. आज रोजी उत्तरीय तपासणीनंतर तिचा मृतदेह कुटुंबियांच्या स्वाधीन करण्यात आला.