Akshay Nirmale
गोव्याच्या कोलवाळ मध्यवर्ती कारागृहात कैद्यांसाठी रोजगार, स्वयंरोजगाराच्या संधी देणाऱ्या अनेक उपक्रमांची सुरवात नुकतीच मुख्यमंत्री डॉ. प्रमोद सावंत यांच्या हस्ते झाली.
या विविध उपक्रमांतून या कारागृहाची वाटचाल स्वयंपुर्णतेच्या दिशेने होत आहे.
या कारागृहात गोशाळा उभारली असून कैदीच या गुरांची देखभाल करतात. येथे सात गाई आणि एक बैल आहे. भविष्यात येथे गोबर गॅस निर्मिती केली जाणार आहे.
कोलवाळ कारागृहात सॅनिटरी पॅड्सची निर्मिती करणाऱ्या मशिनची व्यवस्था केली गेली आहे.
महिला कैद्यांना येथे स्वयंरोजगाराचे प्रशिक्षण दिले जात आहे.
येथे हस्तकला केंद्र आणि चपाती बनविण्याचे मशिनही उपलब्ध करून दि ले आहे.
येथे कैद्यांना आधारकार्डाचे वाटप केले गेले. दरम्यान, या कारागृहातील हे सर्व उपक्रम सरकारी निधीतून नव्हे तर सीएसआर फंडातून होत आहेत.