Pranali Kodre
आयपीएल 2023 स्पर्धेत 9 मे रोजी वानखेडे स्टेडियमवर झालेल्या सामन्यात मुंबई इंडियन्सने रॉयल चॅलेंजर्स बेंगलोरला 6 विकेट्सने पराभूत केले.
याच सामन्यादरम्यान मुंबईचा डाव सुरू असताना 11 व्या षटकात नेहल वढेराने वनिंदू हसरंगाच्या चेंडूवर असा काही शॉट मारला की चेंडू मैदानाबाहेर उभ्या असलेल्या टाटा टियागो इव्ही कारला लागला.
त्याने शॉट इतका जोरदार मारला होता की त्यामुळे कारवर छोटा डेन्टही आला.
विशेष गोष्ट अशी की मैदानाबाहेर ठेवलेल्या या कारला चेंडू लागल्यानंतर आयपीएलचे प्रायोजक असलेल्या टाटा समुहाकडून प्रत्येकवेळी कर्नाटकमधील कॉफीच्या बागांच्या लागवड वाढीसाठी पाच लाख रुपयांची मदत केली जाणार आहे.
याआधी याच हंगामात चेन्नई सुपर किंग्सचा फलंदाज ऋतुराज गायकवाडच्याही एका शॉटवर या कारला यापूर्वी चेंडू लागला होता.
दरम्यान, आयपीएल 2023 च्या अखेरीस सर्वाधिक स्ट्राईक रेट असलेल्या खेळाडूला ही कार बक्षीस म्हणून मिळणार आहे.
सामन्याबद्दल सांगायचे झाल्यास वढेराने 34 चेंडूत 52 धावा ठोकल्या. तसेच त्याने 35 चेंडूत 83 धावांची खेळी करणाऱ्या सूर्यकुमारबरोबर 140 धावांची भागीदारीही केली.