WTC Final साठी सूर्या, ऋतुराज टीम इंडियात, पण...

कसोटी चॅम्पिटयनशीप 2021-23 स्पर्धेचा अंतिम सामना भारत विरुद्ध ऑस्ट्रेलिया संघात होणार आहे.

हा अंतिम सामना 7 ते 11 जून 2023 दरम्यान इंग्लंडमधील द ओव्हल मैदानात खेळवला जाणार आहे.

या सामन्यासाठी बीसीसीआय निवड समीतीने एप्रिलमध्येच भारतीय संघाची निवड केली होती.

पण त्यानंतर 8 मे रोजी भारतीय संघात बदल करण्यात आला असून राखीव खेळाडूंचीही घोषणा करण्यात आली.

यष्टीरक्षक ईशान किशनला आयपीएल 2023 दरम्यान दुखापत झालेल्या केएल राहुलच्या जागी बदली खेळाडू म्हणून भारतीय संघात स्थान मिळाले आहे.

तसेच ऋतुराज गायकवाड, मुकेश कुमार आणि सुर्यकुमार यादव या तिघांचाही विचार झाला आहे, पण राखीव खेळाडू म्हणून.

बीसीसीआयने ऋतुराज गायकवाड, मुकेश कुमार आणि सुर्यकुमार यादव या तिघांना राखीव खेळाडूंमध्ये स्थान दिले आहे.

कसोटी चॅम्पिटयनशीप फायनलसाठी मुख्य भारतीय संघ -

रोहित शर्मा (कर्णधार), शुभमन गिल, चेतेश्वर पुजारा, विराट कोहली, अजिंक्य रहाणे, केएस भरत (यष्टीरक्षक), रविचंद्रन अश्विन, रवींद्र जडेजा, अक्षर पटेल, शार्दुल ठाकूर, मोहम्मद शमी, मोहम्मद सिराज, उमेश यादव, जयदेव उनाडकट, इशान किशन (यष्टीरक्षक).