Pranali Kodre
इंग्लंडचा वेगवान गोलंदाज जोफ्रा आर्चरने दक्षिण आफ्रिकेविरुद्ध सुरू असलेल्या वनडे मालिकेतून आंतरराष्ट्रीय क्रिकेटमध्ये जवळपास दोन वर्षांनी पुनरागमन केले आहे.
आर्चरने पुनरागमनाच्या या मालिकेतील तिसऱ्या सामन्यात मोठा विक्रम केला आहे.
त्याने किम्बर्ली येथे 1 फेब्रुवारी 2023 रोजी दक्षिण आफ्रिकेविरुद्ध झालेल्या वनडे सामन्यात 9.1 षटके गोलंदाजी करताना 40 धावा देत 6 विकेट्स घेतल्या.
त्यामुळे आर्चर दक्षिण आफ्रिकेमध्ये वनडेत सर्वोत्तम गोलंदाजी प्रदर्शन करणारा परदेशी गोलंदाज ठरला आहे.
हा विक्रम करताना त्याने वसिम अक्रमच्या 30 वर्षे जुन्या विक्रमाला मागे टाकले आहे.
वसिम अक्रम यांनी 15 फेब्रुवारी 1993 रोजी इस्ट लंडनला दक्षिण आफ्रिकेविरुद्ध झालेल्या वनडेत 16 धावा देत 5 विकेट्स घेतल्या होत्या.
दक्षिण आफ्रिकेत सर्वोत्तम कामगिरी करणाऱ्या परदेशी गोलंदाजांमध्ये आर्चर आणि अक्रम यांच्यानंतर युजवेंद्र चहल तिसऱ्या क्रमांकावर आहे.
चहलने दक्षिण आफ्रिकेविरुद्ध सेंच्यूरियनला 4 फेब्रुवारी 2018 रोजी झालेल्या सामन्यात 22 धावांत 4 विकेट्स घेतल्या होत्या.
दरम्यान आर्चरने केलेल्या कामगिरीमुळे इंग्लंडने दक्षिण आफ्रिकेविरुद्धचा तिसरा वनडे सामना 59 धावांनी सहज जिंकला.