Pranali Kodre
आयपीएल 2023 स्पर्धेत 13 मे रोजी लखनऊ सुपर जायंट्सने लखनऊ सुपर जायंट्स विरुद्ध 7 विकेट्सने विजय मिळवला.
लखनऊच्या या विजयात प्रेरक मंकडने महत्त्वाचा वाटा उचलला. त्याने 45 चेंडूत 7 चौकार आणि 2 षटकारांसह 64 धावांची खेळी केली.
तो यापूर्वी केवळ दोन आयपीएल सामने खेळला आहे. त्याला पंजाब किंग्सने आयपीएल 2022 लिलावात 20 लाखांच्या किमतीत खरेदी केले होते.
पण त्याला आयपीएल 2023 लिलावापूर्वी पंजाबने संघातून मुक्त केले. त्यामुळे लखनऊने त्याला आयपीएल 2023 लिलावात 20 लाखांमध्येच खरेदी केले.
प्रेरक देशांतर्गत क्रिकेटमध्ये सौराष्ट्र संघाकडून खेळतो. 2022-23 हंगामाची विजय हजारे ट्रॉफी जिंकणाऱ्या सौराष्ट्र संघाचाही तो प्रमुख खेळाडू होता.
त्याने 2016 सालीच प्रथम श्रेणी क्रिकेट आणि टी20 क्रिकेटमध्ये सौराष्ट्रासाठी पदार्पण केले होते, तर लिस्ट ए क्रिकेटमध्ये त्याने 2017 मध्ये पदार्पण केले.
अष्टपैलू खेळाडू असलेल्या प्रेरकने 46 प्रथम श्रेणी सामन्यांत 1 शतक आणि 14 अर्धशतकांसह 2006 धावा केल्या आहेत. तसेच त्याने 43 विकेट्स घेतल्या आहेत.
त्याने लिस्ट ए क्रिकेटमध्ये 53 सामन्यांमध्ये 3 शतके आणि 7 अर्धशतकांसह 1535 धावा केल्या आहेत. तसेच 38 विकेट्स घेतल्या आहेत.
प्रेरकने त्याच्या कारकिर्दीत आत्तापर्यंत (13 मे 2023 पर्यंत) 44 टी20 सामनेही खेळले असून 8 अर्धशतकांसह 941 धावा केल्या आहेत आणि 22 विकेट्स घेतल्या आहेत.
तो अनेकदा आयपीएल 2023 मध्ये बदली क्षेत्ररक्षक म्हणून मैदानात क्षेत्ररक्षण करताना दिसला आहे.