कोरोनाची (Corona) लढाई जिंकतोय, पण पोस्ट कोविडच्या (Post Covid) खर्चाने कंबरडे मोडतय. कोरोनाला हरवल्यानंतर देखील रुग्णांची परवड काही केल्या थांबत नसल्याचे विदारक सत्य समोर येत आहे. कोरोनाचे उपचार घेऊन परतल्यानंतर रुग्णांना पोस्ट कोविडच्या समस्यांना तोंड द्यावे लागत आहे. या आजारावर अनेक दिवस खर्चिक उपचार रुग्णांना (Patient) करावे लागत आहेत. महत्वाचे म्हणजे कोरोनाचा उपचार सरकारकडून मोफत केल्या जातो परंतू पोस्ट कोविड साठी रुग्णांना स्वतः खर्च करावा लागत आहे. त्यामुळे या उपचारांवर नियंत्रण आणण्याची गरज असल्याची भावना रुग्ण व्यक्त करत आहेत. (The patient suffers at the expense of Post Covid after escaping from the corona crisis)
पोस्ट कोविड मध्ये काही रुग्णांना घरीच रोज काही काळ ऑक्सिजनची गरज भासते. फुफ्फुसांवर व्रण आल्याने त्यासंबंधीचे उपचार घ्यावे लागतात. तसेच तोंडातील इन्फेक्शन (म्युकरमायकोसिस)ज्यात तोंडात बुरशी येते यामुळे रुग्णांचा जीव जाण्याचा देखील धोका अधिक आहे. हे सर्व उपचार अतिशय खर्चिक आहेत. यासाठी अंदाजे ५० हजारांहून अधिकचा खर्च येतो. लॉकडाऊन आणि या आरोग्य आणीबाणीत अनेक नागरिकांचे आर्थिक गणित बिघडले आहे. त्यात कोरोनाची बाधा झाली त्यातून सुखरूप बाहेर आलो तरीदेखील आरोग्याची समस्या उभीच आहे. त्याचबरोबर नवे आर्थिक संकट देखील उभे राहत आहे.
महत्वाचे म्हणजे हे उपचार कोणत्याही विमा कंपन्यांकडून मंजूर होत नाही. त्यामुळे विमाधारक देखील संकटात सापडले आहेत. त्यामुळे सरकारने यासंबधी लक्ष घालून योग्य ती पावले उचलण्याची अपेक्षा पोस्ट कोविड ग्रस्त नागरिक व नातेवाईकांकडुन करण्यात येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.