COVID-19 Goa: 24 तासात 1209 कोरोना रुग्ण; 9 दिवसांत कोरोनाचे 499 बळी

पणजी: राज्यात गेल्या 9 दिवसांत 18 हजार 335 कोरोनाबाधीत सापडले, तर तब्बल 499 कोरोनाबाधितांचा मृत्‍यू झाला आहे. मुख्यमंत्री डॉ. प्रमोद सावंत (Dr. Pramod Sawant) व आरोग्यमंत्री विश्वजित राणे (Vishwajit Rane) हे वारंवार गोवा वैद्यकीय महाविद्यालय बांबोळी, तसेच सुपरस्पेशालिटी इस्पितळ आणि इतर कोविड इस्पितळांना भेटी देऊन सर्व काही सुरळीत चालल्याचे सांगत आहेत. मात्र, दुसरीकडे कोरोनामुळे होणाऱ्या मृत्यूची संख्या काही प्रमाणात कमी होत आहे. आज दिवसभरामध्ये कोरोनावर उपचार घेणाऱ्या 31 जणांना आपला जीव गमवावा लागला. (1209 corona patients in 24 hours)

COVID-19 Goa: कोरोना रुग्णांवरील उपचारास टाळाटाळ केल्यास कारवाई

आरोग्य खात्याने आज दिलेल्या माहितीनुसार, बुधवारी 3 हजार 873 जणांची कोरोणा तपासणी करण्यात आली . आज जे अहवाल जाहीर झाले आहेत त्यानुसार आज 1209 नवे कोरोना बाधीत सापडले .तर 2160 कोरोना बाधित आज बरे झाले आहेत. गेल्या चोवीस तासांमध्ये 31 कोरोना बाधितांचा मृत्यू झाला असून आतापर्यंत राज्यांमध्ये कोरोनामुळे मृत्यू होणाऱ्यांची संख्या  2228 एवढी झालेली आहे .आजच्या दिवशी राज्यात सक्रिय कोरोना बाधितांची संख्या 22,964 एवढी असून गेल्या चोवीस तासांमध्ये 139 व्यक्तींना इस्पितळातून डिस्चार्ज देण्यात आला.

Goa: कोविड मृतदेहांवर अंत्‍यसंस्‍कार करायचे कुठे?

तर 209 कोरोना बाधितांना कोरोना इस्पितळांमध्ये दाखल करण्यात आले. राज्यामध्ये कोरोनाचा पॉझिटिव्हिटी दर  31. 21  टक्के असून कोरोना बाधित बरे होण्याची टक्केवारी  82.00 टक्के एवढी आहे. आज  ज्या 31 कोरोना बाधितांचे निधन झाले त्यातील  18 कोरोना  बाधित हे गोवा वैद्यकीय महाविद्यालय बांबोळी येथे उपचार घेत होते. तर दक्षिण गोवा जिल्हा  इस्पितळामध्ये उपचार घेणाऱ्या 12  कोरोना बाधितांचे आज निधन झाले आहे .उत्तर गोव्यातील खाजगी इस्पितळात कोरोनावर उपचार घेणारी एक व्यक्ती आज दगावली  आहे.

9 दिवसात 499 म्रुत्यू

राज्यात 11 मे ते 19 मे या काळात 18,335 नवे कोरोना बाधीत सापडले असून 499 कोरोना बाधीत मरण पावले आहेत.  नवे कोरोना बाधीत व म्रुत्यू