Goa  state in charge of BJP C. T. Ravi visits Goa today
Goa state in charge of BJP C. T. Ravi visits Goa today

भाजपचे गोवा राज्य प्रभारी सी. टी. रवी आज गोव्यात

पणजी :  भाजपचे राज्य प्रभारी कर्नाटकचे आमदार सी. टी. रवी हे प्रथमच राज्याच्या दौऱ्यावर उद्या (ता. २२) येणार आहेत. ते पणजीत प्रमुख कार्यकर्त्यांशी संवाद साधणार आहेत. सुरवातीच्या नियोजनानुसार ते साखळी येथे कार्यकर्ता मार्गदर्शन शिबिरात कार्यकर्त्यांशी संवाद साधून नंतर पणजीत येणार होते. मात्र, काही कारणास्तव साखळीतील मार्गदर्शन शिबिर आज स्थगित करण्यात आल्याने ते थेटपणे पणजीतील बैठकीतच सहभागी होणार आहे.

कॉंग्रेसने राज्य प्रभारीपद कर्नाटकाचे आमदार दिनेश गुंडू राव यांच्याकडे सोपवल्यानंतर आता भाजपचे राज्य प्रभारीपदही कर्नाटकाचे आमदार रवी यांच्याकडे सोपवण्यात आले आहे. ते भाजपचे राष्ट्रीय सरचिटणीसही आहेत. कर्नाटकातील रयत संघ आंदोलनातून रवी यांचे नेतृत्व विकसित झाले आहे. ते राष्ट्रीय स्वयंसेवक संघाचे स्वयंसेवक आहेत. १९९३ मध्ये ते भाजपचे प्रदेश चिटणीस बनले, २००४ मध्ये ते आमदार झाले. ते कर्नाटकाचे माजी उच्च शिक्षण मंत्रीही आहेत.
भाजपचे प्रदेशाध्यक्ष सदानंद शेट तानावडे यांनी सांगितले, की रवी हे प्रथमच राज्याच्या दौऱ्यावर येत असल्याने त्यांचे प्रदेश मुख्य कार्यालयात स्वागत करण्यात येईल. तेथेच ते प्रमुख कार्यकर्त्यांशी संवाद साधणार आहेत. सध्या राज्यभरात भाजप कार्यकर्ता प्रशिक्षण शिबिरे सुरु आहेत. त्यापैकी एका ठिकाणी ते भेट देतील असे नियोजन आहे. जिल्हा पंचायत निवडणूक, पालिका निवडणुकीच्या पार्श्वभूमीवर त्यांचे यापुढेही राज्यात वारंवार दौरे होतील असे नियोजन आहे.

अधिक वाचा : 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com