पणजी: केंद्रीय समाजकल्याण राज्यमंत्री रामदास आठवले रविवारी (ता. २०) दोन दिवसांच्या गोवा दौऱ्यावर येणार आहेत. भारतीय रिपब्लीकन पक्षाच्या (आठवले गट) सदस्य नोंदणीचा आढावा घेत पक्ष संघटना बळकटीसाठी मार्गदर्शन करण्यासाठी त्यांचा हा दौरा आहे. ते या दौऱ्यादरम्यान आंबेडकर भवनाविषयी मुख्यमंत्री डॉ. प्रमोद सावंत यांच्याशी चर्चा करणार आहेत.
वास्को येथे एमपीटीच्या विश्रामगृहात ते रविवारी रात्री ८ वाजता प्रमुख कार्यकर्त्यांची बैठक घेणार आहेत. यावेळी पक्षाचे आशिया खंड प्रमुख राजेंद्र जाधव हेही उपस्थित राहतील.
मुख्यमंत्र्यांसोबत सोमवारी सकाळी १० वाजता आठवले यांची बैठक होणार आहे. या बैठकीत भाजपचे प्रदेशाध्यक्ष सदानंद शेट तानावडे, रिपब्लीकनचे प्रदेशाध्यक्ष सतीश कोरगावकर, केंद्रीय सहसचिव बाळासाहेब बनसोडे, खासदार विनय तेंडुलकर, निरीक्षक सुरेश बारसिंगे, घनश्याम चिरणकर, दिगंबर तेंडुलकर, श्याम आमोणकर, सूर्या साळकर, उमेश हसापूरकर आदी सहभागी होतील. सोमवारी दुपारी ३ वाजता वास्को येथे कार्यकर्त्यांची बैठक घेतील, अशी माहिती पक्षाचे महासचिव सूर्या साळकर यांनी दिली.
आणखी वाचा:
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.