कोलकता : भारतीय क्रिकेट मंडळाचे अध्यक्ष सौरव गांगुली यांना रुग्णालयातून बुधवारी घरी पाठवले जाण्याची शक्‍यता आहे. गांगुली यांच्यावर होणारी दुसरी अँजिओप्लास्टी तूर्तास लांबणीवर टाकण्यात आली आहे.
हृदयविकाराचा सौम्य झटका आल्यामुळे गांगुली यांना शनिवारी रुग्णालयात दाखल करण्यात आले होते. त्यांच्यावर लगेच अँजिओप्लास्टीही करण्यात आली होती. त्यांच्यावर आज दुसरी अँजिओप्लास्टी अपेक्षित होती. मात्र त्यांना उद्या रुग्णालयातून घरी पाठवले जाण्याची शक्‍यता असल्याचे वूडलॅंड रुग्णालयाच्या सीईओ डॉ. रुपाली बसू यांनी सांगितले. डॉ. देवी शेट्टी हे उद्या (मंगळवारी) गांगुली यांची तपासणी करणार आहेत. ते डॉक्‍टरांबरोबर चर्चा करणार आहेत.
दोन ब्लॉकेज असले तरी गांगुली यांची प्रकृती स्थिर आहे. त्यांच्या छातीत दुखत नाही, त्यामुळे आता अँजिओप्लास्टीची गरज नाही, असेही डॉक्‍टरांचे मत झाले असल्याचे रुग्णालयाच्या पत्रकात म्हटले आहे.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.