Corona third Wave: महाराष्ट्रात कोरोना विषाणूने बदलला 47 वेळा रंग
Corona third Wave

Corona third Wave: महाराष्ट्रात कोरोना विषाणूने बदलला 47 वेळा रंग

नवी दिल्ली: कोरोना विषाणूच्या(COVID-19) परिवर्तनाविषयी आणखी एक धक्कादायक खुलासा झाला आहे. एकाच राज्यात कोरोना विषाणूने 47 वेळा आपले रूप बदलले आहे, असा दावा शास्त्रज्ञांनी केला आहे. तर उर्वरित राज्यांमध्ये ही परिस्थिती आणखी गंभीर असू शकते असा अंदाजही शास्त्रज्ञांनी व्यक्त केला आहे. खबरदारी घेतली गेली नाही तर तिसरी लाट(Corona third Wave) येण्याची शक्यता आहे आणि ती आणखी प्राणघातक ठरू शकते कारण व्हायरसमधील म्युटेशन वेगाने होत आहे, असे अंदाज शास्त्रज्ञांनी व्यक्त केलाय.(Corona third Wave Coronavirus has changed 47 times in Maharashtra)

फक्त  महाराष्ट्र(Maharashtra) राज्यातील अभ्यासानुसार असे आढळले आहे की, तीन महिन्यांत वेगवेगळ्या जिल्ह्यांतील लोकांमध्ये कोरोनाचे नवे रूपे सापडले आहेत. शास्त्रज्ञांनाही शंका आहे की प्लाझ्मा, रेमेडेव्हिव्हिर आणि स्टेरॉइड्स असलेल्या औषधांचा मोठ्या प्रमाणात वापर केल्यामुळे या म्युटेशनला चालना मिळाली आहे. म्हणूनच इतर राज्यातही हा सिक्वेन्स वाढवण्याची गरज आहे.

पुण्यातील नॅशनल इन्स्टिट्यूट ऑफ व्हायरोलॉजी (NIV), इंडियन काउन्सिल ऑफ मेडिकल रिसर्च (ICMR) आणि नवी दिल्लीस्थित नॅशनल सेंटर फॉर डिसीज कंट्रोल (NCDC) यांनी केलेल्या या संयुक्त अभ्यासानुसार महाराष्ट्रातील जिल्हावार परिस्थितीचा समावेश सर्वाधिक संख्येने करण्यात आला आहे. गेल्या एक वर्षात या राज्यात सर्वाधिक कोरोनाचे संक्रमण झाले आहे. गेल्या फेब्रुवारीपासून महाराष्ट्रात विषाणूच्या एस प्रोटीनमध्ये सर्वाधिक म्युटेशन झाले. त्यामुळे आता प्रत्येक म्युटेशन विषयी माहिती घेतली जात आहे असे एनआयव्हीच्या डॉ. प्रज्ञा यादव यांनी सांगितले आहे.

म्युटेशनविषयी आधीपासूनच माहिती देण्यात आली आहे. ते म्हणाले की व्हायरसमध्ये वारंवार बदल होणे आणि संसर्ग वाढल्यामुळे गंभीर स्थितीचा अंदाज येऊ शकतो. एनसीडीसीच्या वरिष्ठ अधिकाऱ्यांनी सांगितले की, बी.1.617  हा प्रकार आतापर्यंत 54 देशांमध्ये सापडला आहे. यासंदर्भातील आणखी एका म्युटेशनला जागतिक आरोग्य संघटनेने डेल्टा प्रकार म्हटले आहे. मात्र, भारतातील दुसर्‍या वेव्ह दरम्यान, कोरोना विषाणूमध्ये होणाऱ्या गंभीर बदलानंतर (OVC) शोधण्यासाठी स्थानिक पातळीवर येणार्‍या म्युटेशनांसाठी अधिक जीनोम अनुक्रमांची आवश्यकता असते.

अभ्यासात काय आहे?

यावर्षी महाराष्ट्रापासून कोरोनाची दुसरी लाट सुरू झाली जिथे जानेवारी महिन्यातच बऱ्याच जिल्ह्यात संसर्गाचे प्रमाण वाढू लागले. नोव्हेंबर 2020 ते 31 मार्च 2021 या कालावधीत व्हायरसचे कोणते प्रकार पसरत आहेत हे शोधण्यासाठी 733 नमुने गोळा करून जीनोम सिक्वेंसींग केले गेले. शास्त्रज्ञांनी एकापाठोपाठ सर्व नमुन्यांमध्ये व्हायरसचे म्युटेशन 47 वेळा पाहिले तेव्हा आश्चर्य वाटले. जे यापूर्वी कधी पाहिले नव्हते. मात्र, इटली, फ्रान्स, ब्रिटन आणि अमेरिकाचा विचार केल्यास कोरोनाचं हे नवं रूप बघून ते नक्कीच घाबरले होते. जेव्हा वैज्ञानिकांना 733 पैकी 598 नमुन्यांचा क्रम लावण्यात यश मिळाले, तेव्हा असे आढळले की डेल्टा प्रकाराव्यतिरिक्त ग्रामीण भागात पोचलेल्या महाराष्ट्रातील लोकांमध्ये कोरोनाचे अनेक प्रकार पसरले आहेत.

या राज्यांमध्ये सिक्वेसिंग वाढविण्यासाठी आवाहन
यापूर्वी उत्तर प्रदेश, बिहार, दिल्ली, मध्य प्रदेश, राजस्थान, केरळ, कर्नाटक, तामिळनाडू, पश्चिम बंगाल, तेलंगणा या राज्यांमधील सिक्वेसिंग वाढवण्याचे आवाहन शास्त्रज्ञांनी केले आहे. या राज्यात असे अनेक जिल्हेही होते ज्यात संसर्ग होण्याचे प्रमाण 40 टक्क्यांपर्यंत पोहोचले होते, जे जगातील इतर कोणत्याही देशात पाहिले गेले नाही.

No stories found.
Dainik Gomantak
www.dainikgomantak.com