महाराष्ट्रासह इतर राज्यात कोरोनातून बरे होणारे रुग्ण वाढले

देशभरात कोरोना विषाणूच्या (Coronavirus) संसर्गाची गंभीर परिस्थिती आहे. परंतु, यादरम्यान कोरोनाबद्दल दिल्ली, महाराष्ट्र (Maharashtra) आणि गुजरातमधून (Gujrat) काही दिलासादायक बातम्या आल्या आहेत. वास्तविक, कोरोना विषाणूचे रुग्ण आता वेगाने बरे होत आहेत. इतकेच नव्हे तर कोरोना विषाणूच्या नवीन रुग्णसंख्येतही घट झाली आहे. सुरवातीच्या काळात महाराष्ट्र कोरोनाचा हॉटस्पॉट (Hot-Spot) ठरला होता. परंतु, मुंबई (Mumbai), पुणे यांसारख्या शहरात कोरोना रुग्ण कमी आढळत आहेत. (In other states including Maharashtra, the number of patients recovering from corona increased)

"सत्तर वर्षात केलेल्या कामांमुळेच देशाला मद्त होते आहे"
 
महाराष्ट्रातील परिस्थिती
महाराष्ट्रात शनिवारी 53,605 नवीन कोरोना पॉझिटिव्ह (Corona Positive) रुग्ण आढळले, तर  कोरोनातून 82,266 रुग्ण बरे झाले आणि त्यांना रुग्णालयातून घरी सोडण्यात आले. नवीन रुग्ण आणि कोरोनातून बरे झालेल्या रुग्णांच्या संख्येत एवढा फरक पाहता ही महाराष्ट्राच्या दृष्टीने चांगली बातमी आहे. तथापि, राज्यात शनिवारी 864 कोरोना रुग्णांचा मृत्यू झाला. महाराष्ट्रात एकूण मृतांचा आकडा आता 75,277 झाला आहे. येथे मृत्यूचे प्रमाण 1.49 टक्के राहिले आहे. राज्याच्या आरोग्य मंत्रालयाने जाहीर केलेल्या आकडेवारीनुसार, महाराष्ट्रात कोरोना विषाणूच्या एकूण रुग्णांची संख्या 50,53,336  वर पोहोचली आहे. त्याच वेळी, एकूण 43,47,592 लोक कोरोनातून बरे देखील झाले आहेत. राज्याचा रिकवरी दर 86.03 टक्के आहे.

दिल्लीतील परिस्थिती
शनिवारी दिल्लीत कोरोनाचे 17,364 नवीन रुग्ण आढळले, तर 20,160 रुग्ण बरे झाले आणि 332 मृत्यूची नोंद झाली. आतापर्यंत दिल्लीत कोरोनाचे एकूण 13,10,231 रुग्णांची नोंद झाली आहे. दिल्लीत कोरोनाचे 87,907 सक्रिय रुग्ण आहेत. त्याच वेळी, दिल्लीतील कोरोनाचे आतापर्यंत एकूण 12,03,253 लोक बरे झाले आहेत. त्याच वेळी, कोरोनामुळे दिल्लीत एकूण 19,071 लोकांचा मृत्यू झाला आहे. कोरोनाचा पॉझिटिव्हिटी दरही दिल्लीत सातत्याने कमी होत आहे, शनिवारी दिल्लीत 23.34 टक्के पॉझिटिव्हिटी दर होता, ही एक दिलासादायक बातमी आहे. दिल्ली आरोग्य विभागाने जारी केलेल्या ताज्या बुलेटिननुसार, गेल्या 24 तासांत दिल्लीत एकूण 74384 नमुन्यांची चाचणी घेण्यात आली. यापैकी 62921 आरटीपीआर / सीबीएनएएटी / ट्रूनैट (RTPCR) चाचण्या आणि 11463 रॅपिड अँटीजेन चाचण्या घेण्यात आल्या होत्या.

मुंबईने कोरोनावरती विजय मिळवला?; जाणून घ्या

गुजरातमधील परिस्थिती
गुजरातमध्ये गेले चार दिवस कोरोनातून बरे होणाऱ्या रुग्णांची संख्या जास्त आहे. शनिवारी हा चौथा दिवस आहे. राज्याच्या आरोग्य विभागाने जाहीर केलेल्या आकडेवारीनुसार, शनिवारी राज्यात कोरोनाचे 11892 नवीन रुग्ण आढळले, तर संसर्गातून एकूण 14737 लोक बरे झाले आहेत. तथापि, कोरोना विषाणूच्या संसर्गामुळे या वेळी 119 जणांनी आपला जीव गमावला.