एक करोडपती महिला नाकात खोबरेल तेल घालून कोरोनाला पळवतेय; असा मेसेज होतोय व्हायरल

नवी दिल्ली: FACTCHECK सध्या सोशल मीडियावर(Social Media) एक संदेश(SMS) मोठ्या प्रमाणात व्हायरल(Viral) होत आहे, त्या संदेशात असा दावा करण्यात येत आहे की, फार्मास्युटिकल कंपनी बायोकोनच्या चेअरपर्सन किरण मजूमदार शॉ(Pharmaceutical company Biocon Chairperson Kiran Majumdar Shaw) यांनी एका दिवसात चार वेळा नाकात नारळाचे तेल(Coconut oil) लावून कोरोना विषाणूंपासून स्वत:चा बचाव केला आहे. हा संदेश व्हॉट्सअ‍ॅपवरून लिंक्डइन आणि इतर सोशल मीडियावरही शेअर केला जात आहे.( Biocon chairperson Kiran Mazumdar Shaw protects herself from corona virus by applying coconut oil to her nose)

पीएम किसान योजनेच्या लाभार्थांना मिळणार स्वस्तात लोन; जाणून घ्या

आता या व्हायरल मेसेजवर बायोकॉनकडून प्रतिक्रिया देण्यात आली असून, त्यात हा मेसेज पूर्णपणे बनावट असल्याचे सांगितले गेले आहे. आपल्या ट्वीटर हँडलवर या फॉरवर्ड मेसेजचा स्क्रीनशॉट शेअर करत कंपनीने सांगितले आहे की, "फेकफॉरवर्ड अलर्ट, किरण मजुमदार शॉच्या नावावर बनावट संदेश व्हॉट्सअ‍ॅपवर शेअर केला जात आहे, ज्यात म्हटले आहे की, त्यांनी नारळाचे तेल नाकात लावून स्वत:ला कोरोनापासून मुक्त केले आहे. हा एक बनावट संदेश आहे आणि किरणने काहीही सांगितले नाही. हा त्यांचा सल्ला नाही, कृपया तूम्ही तो फॉलो करू नका. #StayAware #StaySafe ”

कोरोनाशी संबंधित अनेक संदेश सोशल मीडियावर व्हायरल केले जात आहेत, ज्यामध्ये कोरोना टाळण्यासाठी काही टिप्स विचारल्या जात आहेत. नुकत्याच झालेल्या व्हायरल मेसेजमध्ये असा दावा केला गेला आहे की पावसामुळे कोरोना थांबेल, पण त्यात काही तथ्य नाही. पीआयबी फॅक्ट चेकच्या चमूनेही याबद्दल ट्विट केले आहे की, मास्क घालून, हात धुऊन आणि सामाजिक अंतर ठेवल्यानेच कोरोना थांबेल.

सरकार सोमवारपासून 21 सप्टेंबरपर्यंत देणार स्वस्तात सोनं खरेदी करण्याची संधी

याशिवाय आणखी एक संदेश सोशल मीडियावर व्हायरल होत असून त्यात असा दावा केला जात आहे की जर तुम्ही 10 सेकंद आपला श्वास रोखून ठेवला तर आपण कोरोनो विषाणूच्या संसर्गापासून मुक्त होऊ शकता. पण पीआयबीनेही याला बनावट घोषित केले असून त्यावर ट्विट करुन यावर विश्वास ठेवू नका असे सांगितले आहे. आपल्यालाही असा संदेश मिळाल्यास, त्यावर विश्वास ठेवू नका आणि अशा बनावट संदेशापासून दुर रहा.