गोव्यातील कॉंग्रेसचे लोकसभेचे खासदार फ्रान्सिस सरदिन्हा यांनी पक्षाचेच प्रदेशाध्यक्ष गिरीश चोडणकर यांच्यावर जोरदार टीका केली. फ्रान्सिस सरदिन्हा यांनी गिरीश चोडणकर यांच्यावर पक्ष कमकुवत करत असल्याचा आरोप आज केला. इतकेच नाही तर, विधानसभा निवडणूकीपूर्वी गिरीश चोडणकर यांच्या ऐवजी पक्षाने नवीन प्रदेशाध्यक्ष निवडणे गरजेचे असल्याचे मत फ्रान्सिस सरदिन्हा यांनी व्यक्त केले.
यापूर्वी, काँग्रेस पक्ष सोडून आम आदमी पक्षात सामील झालेल्या प्रतिमा कुतिन्हो यांनी देखील प्रदेश कॉंग्रेसकडे कमकुवत नेतृत्व असल्याचे त्यांनी सांगितले होते. याशिवाय पक्षातील भांडणे आणि गटबाजी पासून दूर राहण्यासाठी आपण पक्ष सोडत असल्याचे प्रतिमा कुतिन्हो यांनी म्हटले होते. तर प्रतिमा कुतिन्हो यांनी 26 मार्च रोजी काॅंग्रेसच्या महिला प्रदेशाध्यक्षपद व सदस्यत्वाचा राजीनामा दिला होता. व दिल्ली येथे आम आदमी पार्टीचे (आप) प्रमुख व दिल्लीचे मुख्यमंत्री अरविंद केजरीवाल यांची भेट घेऊन आपमध्ये प्रवेश केला होता.
त्यामुळे, आता कॉंग्रेसचे खासदार फ्रान्सिस सरदिन्हा यांनी देखील प्रदेशाध्यक्ष गिरीश चोडणकर यांच्यावर टीका केली आहे. आणि त्यांनी सुद्धा काँगेसचे प्रदेशाध्यक्ष गिरीश चोडणकर हे पक्षाला कमकुवत करत असल्याचेच म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.