डिचोली: घाऊक मासळी विक्रेत्यांच्या सोपो कराच्या वादामुळे मागील काही दिवसांपासून निर्माण झालेली मासळीची चणचण त्यातच वाढलेले दर यामुळे आता पुन्हा एकदा बॉयलर अंड्यांना चांगले दिवस आले आहेत. सध्या मासळीचा तुटवडा आणि महागल्याने बाजारात खवय्यांकडून अंड्यांना मोठी मागणी असल्याचे दिसून येत आहे. मागणी असल्याने अंड्यांचे दरही किंचित वाढले असले, तरी मागील वर्षीच्या तुलनेत सध्या तरी दर नियंत्रणात असल्याचे आढळून येत आहे. मात्र, अंड्यांना आलेली तेजी पाहता, अंड्यांचे दर आणखी वाढण्याची शक्यता आहे. तसे संकेतही काही विक्रेत्यांकडून मिळाले आहेत.
सध्या घाऊक विक्रेत्यांकडे 450 रुपयांना 100 नग, तर 60 रु. डझन याप्रमाणे अंड्यांची विक्री होत आहे. ग्रामीण भागात किरकोळ विक्रेत्यांकडे मात्र 65 ते 70 रु. डझन याप्रमाणे अंडी विकण्यात येत आहेत. मासळीच्या मारामारीमुळे अंडी आणखी महागण्याची चिन्हे दिसत आहेत.
कोरोनाच्या पार्श्वभूमीवर मागील वर्षी लागू करण्यात आलेल्या टाळेबंदी काळात मागील वर्षी एप्रिल महिन्यात अंड्यांना भाव आला होता. त्यावेळी मासळीच्या अनुपलब्धतेमुळे बहुतेक मत्स्यप्रेमी अंड्यांवर आपल्या जिभेचे चोचले पुरवत होते. एप्रिल महिन्यात तर मध्यंतरी बाजारात अंडी 80 रुपये डझनपर्यंत पोचली होती.
नंतर श्रावण महिन्यात अंड्यांचे दर पूर्वपदावर आले होते. मागील वर्षी सप्टेंबर महिन्यात पुन्हा एकदा अंड्यांचे दर वाढल्यानंतर मागील दोन महिन्यात अंड्यांचे दर खाली आले होते. आता मासाळीच्या तुटवड्यामुळे मागील आठवड्यापासून अंड्यांचा भाव वाढू लागला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.