पणजी: नव्या वाहतूक कायद्यात ज्या काही कठोर तरतुदी आहेत. त्या तरतुदी गोव्यात सौम्य करण्यासाठी तसेच जुन्या वाहनांच्या बाबत जे नियम आहेत त्यात बसमालक व इतर व्यावसायिक वाहनांना दिलासा मिळावा, यासाठी आपण प्रयत्न करणार आहे, असे प्रतिपादन वाहतूक मंत्री माविन गुदिन्हो यांनी केले. पणजी येथे आज आयोजित विंटेज कार रॅलीचे उद्‌घाटन केल्यानंतर वाहतूक मंत्री गुदिन्हो बोलत होते. (Transport Minister Mauvin Godinho showed the green flag at the goa vintage car rally)
उद्योगपती श्रनिवास धेंपे, राज्य मुख्य निवडणूक अधिकारी कुणाल कुमार तसेच इतर मान्यवर उपस्थित होते. जुन्या व आकर्षक अशा कार गाड्यांचा समावेश आजच्या या विंटेज कार रॅलीमध्ये होता. पणजी येथील जुन्या सचिवालयाजवळ या रॅलीचे उद्‌घाटन करण्यात आले. यावेळी बोलताना गुदिन्हो म्हणाले की, नव्या वाहतूक कायद्यात अनेक जाचक अटी आहेत. वाहतूक क्षेत्राला शिस्त येण्यासाठी त्या गरजेच्या आहेत.
मात्र त्या जाचक अटीं एकाचवेळी लागू न करता टप्प्या टप्प्याने लोकांना विश्‍वासात घेऊन लागू केल्या जातील. त्याचबरोबर जुन्या व चांगल्या स्थितीत असलेल्या वाहनांना दिलासा मिळावा यासाठी केंद्राकडे आपण प्रयत्न करणार असल्याचे गुदिन्हो म्हणाले. दरम्यान विंटेज कार रॅलीकडे गोव्यात येणारे देशी व विदेशी पर्यटक आकर्षित होतात. त्यामुळे दरवर्षी होणारी विंटेज कार रॅली पर्यटन खात्याच्या कार्यक्रमांच्या यादीत समाविष्ट होणे गरजेचे आहे, असे मत श्रीनिवास धेंपे यांनी यावेळी व्यक्त केले.(Transport Minister Mauvin Godinho showed the green flag at the goa vintage car rally)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.