सिडनी : भारताविरुद्धच्या पहिल्या क्रिकेट कसोटीत डेव्हिड वॉर्नर खेळू शकणार नाही, त्यामुळे ऑस्ट्रेलियासमोरील सलामीचा प्रश्‍न जास्तच बिकट झाला आहे. तो दुसऱ्या कसोटीपूर्वी तंदुरुस्त होण्याची क्रिकेट ऑस्ट्रेलियास आशा आहे. भारताविरुद्धच्या दुसऱ्या एकदिवसीय सामन्यात खेळताना शिखर धवनचा चेंडू रोखण्याच्या प्रयत्नात वॉर्नरला दुखापत झाली होती. त्यामुळे तो ट्‌वेंटी २० मालिकेतही खेळला नव्हता. आता पूर्वीइतका त्रास होत नाही, पण शंभर टक्के तंदुरुस्त असल्याशिवाय खेळणे अयोग्य होईल, असे वॉर्नरने सांगितले.
वॉर्नरची जागा कोण घेणार हा प्रश्‍न आहे. भारताविरुद्धच्या सराव सामन्यात शतक केल्यामुळे कॅमेरुन ग्रीनच्या समावेशाची शक्‍यता आहे. कसोटीसाठी निवडण्यात आलेले विल पुकोवस्की आणि जोए बर्न्स भारताविरुद्धच्या सराव सामन्यात अपयशी ठरले होते. त्यातच चेंडू हेल्मेटला लागल्याने पुकोवस्कीला निवृत्त व्हावे लागले होते.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.